Alarmi rus – SHBA me tri brigada të rënda ushtarake në Evropë në 2017

Tri brigada të rënda të ushtrisë amerikane do të jenë në mënyrë të vazhdueshme në Evropë. Shkak është kërcënimi i vazhdueshëm rus në rajon.

Megjithëse presidenti aktual Barak Obama mendonte një zvogëlim të trupave, kursi i ri i ushtrisë amerikane duket se ka ndryshuar, duke parë përtej pushtetit të tij.

Tri brigjatat e blinduara do të vendosen në Evropë vitin e ardhshëm, ndërsa do të kenë në përbërje automjete të lidhura me artileri që kryejnë rivendosje të menjëhershme. Në vitin 2012, administrata Obama zvogëloi në dy numrin e brigadave nga katër të vendosura.

Pushtimi rus i Krimesë dhe luftimet në Ukrainën Lindore ka bërë që amerikanët të ridimensionojnë qëndrimet e tyre, veçanërisht duke shtuar praninë në Evropën Lindore.

“Ky plan zbatimi nga ushtria tregon qasjen tonë të fortë dhe të ekuilibruar për të siguruar aleatët tanë të NATO-s dhe partnerët përballë një Rusie agresive në Evropën Lindore.

Kjo do të thotë se aleatët dhe partnerët tanë do të shohin një prani më të shpeshtë të një brigade të blinduar me pajisjet më të modernizuara në vendet e tyre”, tha të mërkurën Gen Phil Breedlove, shefi ushtarak i NATO-s.

Reagimi vjen ndërkohë që një ditë më parë, gjenerali Joseph Dunford, renditi Rusinë si sfidën kryesore dhe të vazhdueshme të sigurisë.