LAJMI I FUNDIT:

Ngrica janë vërejtur në disa nga malet e mëdha të Marsit – që thuhet se janë deri në tri herë më të larta se Everesti

Ngrica janë vërejtur në disa nga malet e mëdha të Marsit – që thuhet se janë deri në tri herë më të larta se Everesti

Ngrica është vërejtur në disa nga malet më të mëdha në sistemin diellor – vullkanet kolosale marsiane që janë deri në tri herë më të larta se mali Everest.

Ndërsa shtresa e ngrirë është jashtëzakonisht e hollë, ajo mbulon një zonë të madhe.

Shkencëtarët llogaritin se në stinët më të ftohta marsiane, 150 mijë litra ujë, ekuivalente me 60 pishina olimpike, kondensohen çdo ditë në majat e maleve të larta.

“Është hera e parë që kemi zbuluar ngrica uji në majat e vullkanit dhe hera e parë që kemi zbuluar ngrica uji në rajonet ekuatoriale të Marsit”, tha Adomas Valantinas, shkencëtar planetar në Universitetin e Bernit në Zvicër dhe Universitetin Brown në SHBA, shkruan the Guardian, përcjell Telegrafi.

Siç raportohet, anijet kozmike në orbitë rreth Marsit kanë dhënë më parë prova për ujë të ngrirë dhe të lëngshëm në planetin e kuq, me sasi të konsiderueshme akulli që shihet në polet veriore dhe jugore.

Këto prova sugjerojnë se planeti dikur ishte një botë shumë më e lagësht, dhe ndoshta edhe e banueshme, me liqene gjigante dhe lumenj.

“Ajo që ne po shohim mund të jetë gjurmë e një klime të kaluar marsiane”, tha Valantinas për vullkanet me ngrica.

Valantinas vuri re vullkanet e mbuluara me ngrica në imazhe me ngjyra me rezolucion të lartë të shkrepura në orët e hershme të mëngjesit në Mars nga Trace Gas Orbiter (TGO) e Agjencisë Evropiane të Hapësirës.

Ai konfirmoi zbulimin duke përdorur një spektrometër në TGO dhe imazhe të tjera të marra nga orbiteri i agjencisë Mars Express.

Ndryshe, rajoni Tharsis i Marsit është një pllajë e madhe vullkanike pranë ekuatorit të planetit dhe shtëpia e një duzinë vullkanesh të mëdha, duke përfshirë Pavonis Mons dhe Olympus Mons.

Mons është shumë më i gjerë se sa është i gjatë, duke mbuluar një zonë sa Franca.

Shkencëtarët menduan se nuk kishte gjasa që ngrica të mund të formohej në majat e vullkanit Tharsis sepse rrezet e diellit dhe atmosfera marsiane i mbajnë temperaturat e ditës relativisht të larta, si në maja ashtu edhe në nivelin e tokës.

Por, duke shkruar në Nature Geoscience, studiuesit përshkruajnë se si erërat marsiane mund të shpërthejnë faqet e maleve dhe të sjellin më shumë ajër të lagësht në kaldera, ku kondensohet dhe vendoset ngrica në periudha të veçanta të vitit. /Telegrafi/

Në trend Botë

Më shumë
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Botë
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Amerika
Këto do të jenë pesë

Këto do të jenë pesë "sfidat e menjëhershme" për shefin e ardhshëm të NATO-s, Mark Rutte

Botë
Dënohen me burg katër anëtarët e familjes më të pasur të Britanisë - abuzuan me shërbëtorët

Dënohen me burg katër anëtarët e familjes më të pasur të Britanisë - abuzuan me shërbëtorët

Evropa
Vetëm për vëmendje të rinjtë rrezikojnë jetën në Indi - shikoni trendin e fundit në shtetin e madh aziatik

Vetëm për vëmendje të rinjtë rrezikojnë jetën në Indi - shikoni trendin e fundit në shtetin e madh aziatik

Azia
Rritet numri i të vdekurve në Turqi - temperaturat e larta shkaktuan zjarre të shumta

Rritet numri i të vdekurve në Turqi - temperaturat e larta shkaktuan zjarre të shumta

Turqia
Kalo në kategori