Femrat shqiptare me fytyrën ideale për selfie (Foto)

Një foto e top modeleve Cara Delevingne dhe Kendall Jenner, rrëfen konceptin e ri të fytyrës ideale.

Ka diçka të përbashkët mes tyre: Fytyrat e tyre janë të përsosura për selfie. Nga cilado anë të fotografohen ato, përsëri duken mirë; kjo sepse, sipas specialistëve të bukurisë (Glamour Espana), fytyrat e tyre janë simetrike. Po të vëmë re, janë vajzat që kanë këtë lloj fytyre ato që kanë më shumë ndjekës në Instagram e Snapchat, pasi selfie-t e tyre pëlqehen prej shumicës së përdoruesve të rrjeteve sociale.

Ky është kriteri kryesor edhe për fotografët, të cilët viteve të fundit duket sikur zgjedhin modele të ndryshme, me të njejtën fytyrë. Në të vërtetë, kjo zgjedhje nuk është çështje fiksimi, këto janë fytyrat më fotozhenike për aparatin. Ndërsa më parë toleroheshin asimetri të vogla për hir të një fytyre të ëmbël, tani nuk ka më justifikime të tipit ‘nuk është ana ime e mirë’.

Simetria dhe proporcioni
Së pari dhe më e rëndësishmja, një fytyrë ideale për selfie duhet të jetë simetrike. Kjo pasi përveçse duket mirë nga cilado anë, ka edhe përparësinë që mund të fotografohet përballë, e të duket përsëri bukur. Ka shumë vajza të ekranit shqiptar të cilat kanë një fytyrë simetrike; Eleonora Jakupi, Elvana Gjata, Enca Haxhia, Klea Huta, Jonida Vokshi, Marina Vjollca, Agnesa Vuthaj, Xhesika Berberi, janë ndër të famshmet me fytyrë simetrike, që duket mirë në çdo kënd. Simetria shoqërohet gjithashtu nga proporcioni; buzët nuk duhet të jenë më te gjera se largësia nga njëra bebëz e syrit tek tjetra, hunda e vogël, etj.

Nofulla e mprehtë
Një tjetër karakteristikë që e kanë vajzat që shkëlqejnë në selfie, është edhe mprehtësia e nofullës; një nofull e drejtë, këndore, tërheq më shumë vëmendje, pasi siç dihet, pamjet e linjëzuara kapen më shpejt nga syri sesa ato të rrumbullakëtat. Nofulla me kënd të theksuar kanë Nora Istrefi, Genta Ismajli, Elvana Gjata, Anxhelina Hadërgjonaj, Albana Osmani apo Soni Malaj.

Vetullat e dendura e të harkuara
Vetullat e dendura, të harkuara janë gjithashtu shumë të pëlqyeshme për syrin, jo vetëm sepse janë në modë, pasi edhe ato tërheqin shumë vëmendje. Jo më kot, shumë vajza të ekranit shqiptar kujdesen për një formë të përsosur të vetullës; Jonida Vokshi, Adrola Dushi, Dafina Zeqiri, Eleonora Jakupi, Armina Mevlani, e shumë të tjera, e kanë kuptuar rëndësinë që ka një vetull e plotë dhe e harkuar për të kornizuar fytyrën, duke vënë në pah simetrinë.

Sy me qepalla të dukshme
Nëse e vini re, sytë e modeleve më të ndjekura në Instagram kanë një karakteristikë: Qepallat e sipërme janë shumë të dukshme; të vegjël apo të mëdhenj, me ngjyrë të çelët apo të errët, forma e syve duhet t’i afrohet asaj të bajames. Të tillë janë sytë e Miriam Canit, Anxhelina Hadërgjonajt, Elvana Gjatës, Eneda Tarifës, Enca Haxhias, që kanë qepalla të dukshme të sipërme; të preferuarat e grimierëve.

Mollëza të theksuara
Mollëzat e theksuara janë gjithashtu një pjesë shumë e rëndësishme e selfie-zhenisë; ato krijojnë iluzionin e një fytyre ovale (forma perfekte e fytyrës). Jo më kot është krijuar edhe teknika e konturimit të fytyrës, për t’i vënë mollëzat në pah: Xhensila Myrtezaj, Agnesa Vuthaj, Klea Huta, Marina Vjollca e të tjera, kanë mollëza të kërcyera e delikate.