LAJMI I FUNDIT:

Nora dhe Roberti: “S’ka inatë” mes nesh, historia jonë është e mbushur me tinguj dhe dashuri (Foto/Video)

Nora dhe Roberti: “S’ka inatë” mes nesh, historia jonë është e mbushur me tinguj dhe dashuri (Foto/Video)

Dashuria e tyre nisi vite më parë, njëri muzikant, ndërsa tjetra këngëtare e njohur e skenës. Sot pas 10 vitesh ata janë një ndër çiftet më të dashur për publikun shqiptar.

Nora Istrefi dhe Robert Berisha e shtojnë dashurinë e tyre me një tjetër aksesor, projektin e tyre më i ri, këngën dhe klipin “S’ka inatë”

Një projekti mbajtur befasi për publikun, por që erdhi në mënyrën më të mirë të mundshme.

Çifti për Telegrafin kanë rrëfyer detajet e këtij bashkëpunimi, i cili i solli për herë të parë bashkë brenda kësaj kënge.

“Kjo këngë nuk ka të bëjë vetëm me neve, por me të gjitha çiftet që dashurojnë shumë njëri-tjetrin. Ka shumë këngëtarë që kanë bërë bashkëpunim dhe s’janë në lidhje, pra s’mund të thuhet që domosdoshmërish kënga ka të bëjë vetëm me ne. Megjithatë është një dedikim i veçantë dashurie”, shprehen Nora dhe Roberti për Telegrafin.

Çifti Nora Istrefi dhe Robert Berisha

Porduksioni Entermedia janë realizuesit e klipit, të cilët kanë sjellë në mënyrën më të mirë të mundshme anën vizuale të dashurisë së tyre. Madje, ata duket të jenë edhe ‘fajtorët’ që kënga erdhi befasi për publikun, kështu të paktën tregojnë për Telegrafin, çifti i njohur.

“Këngën e kemi realizuar së bashku pak më herët. Ndërsa për ta lënë befasi ka qenë ideja e Entermedias, dhe doli vërtet një ide e mirë, të cilët edhe i falënderojmë shumë për punën e bërë”, thonë çifti Berisha.

Megjithatë, për Telegrafin, dyshja zbuluan edhe detaje tjera nga kënga, duke nisur që nga realizimi, ideja, por edhe koha e duhur që i bëri bashkë ata të dy për një këngë.

ROBERTI: “PLANI PËR BASHKËPUNIM, QË KUR IU FUTA MUZIKËS…”

Robert Berisha tregon për Telegrafin se plani për këtë bashkëpunim ka qenë i kamotshëm, madje që në momentin që ai vendosi t’i futet muzikës.

“Ideja për këtë bashkëpunim ka lindur që nga fillimi që kam dal në këndim. Vetëm se kemi pritur për një këngë të mirë, dhe ia arritëm qëllimit. E mbajtëm si befasi, por erdhi momenti i duhur dhe u bëmë bashkë për duetin tonë të parë”, tha Robert Berisha për Telegrafin.

NORA, “PJESË E MREKULLISË” SË ROBERTIT…

“Unë me krejt temën, pjesë e mrekullisë tënde do ‘tjem”, me këto vargje i ka kënduar dikur Nora Robertit me këngën “I jemi je” në ‘Kënga Magjike’, më pas e quajti “Baby Jem” në projektin pasues, ndërsa tani erdhi momenti që dashurisë së jetës t’i këndojë ballë për ballë në një duet.

“Ky është bashkëpunimi im i parë me Robertin. E kemi mbajtur si befasi gjithë realizmin, dhe ashtu si i tillë erdhi për publikun, befasisht por me shumë dashuri brenda. Këngë që çdo çift mund ta gjejë vetën brenda saj. E mbushur me tregime dashurie dhe histori të vërteta nga jeta personale. Jam e lumtur për këtë këngë”, është shprehur Nora Istrefi për Telegrafin.

Ndërkohë, kënga “S’ka inatë”, e cila vulos në një lloj forme dashurinë e çiftit, me siguri do të pritet mirë nga fansat, mbështetje e të cilëve është primare për çiftin.

“Besojmë se ky bashkëpunim i yni do t’iu pëlqejë të gjithë fansave tonë, dhe i falënderojmë shumë për përkrahjen”, përfundojnë Nora dhe Robertin rrëfimin e tyre për Telegrafin.

Mes dashurisë dhe tingujve të muzikës, Nora dhe Roberti këtë radhë thonë “S’ka inatë”. /Telegrafi/

Në trend

Më shumë
PDK voton kryesinë e re - pësojnë ndryshime në pozita disa prej figurave të njohura të kësaj partie

PDK voton kryesinë e re - pësojnë ndryshime në pozita disa prej figurave të njohura të kësaj partie

Lajme
Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Tonali akuzohet për shkelje të dytë të basteve, Federata Angleze sjell 50 akuza të reja për fillim sezonin me Newcastle

Premier League
Artisti Ledri Vula merr dhuratë nga KFOR-i

Artisti Ledri Vula merr dhuratë nga KFOR-i

Magazina
Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Obama dhe Clinton i dalin në ndihmë Bidenit - një foto me tre presidentët amerikanë do të kushtojë 100 mijë dollarë

Amerika
Mercenarët rus të Wagner po vrasin civilët në Mali

Mercenarët rus të Wagner po vrasin civilët në Mali

Afrika
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Kalo në kategori