Ranieri thyen heshtjen me një letër lamtumirëse për dashurinë ndaj Leicesterit – “Dje ëndrrat e mija vdiqën”

Claudio Ranieri ka thyer heshtjen pas 24 orëve që u shkarkua si trajner i Leicester Cityt.

Ai ka lëshuar një komunikatë për media, ku thotë se koha e mrekullueshme dhe gëzimi që kishte nuk do të harrohen kurrë.

Ranieri ka falënderuar edhe fansat, lojtarët dhe familjen e tij duke thënë se ka shpresuar që do të qëndrojë në klubin, që do ta dashuron përjetë.

“Dje ëndrrat e mija vdiqën”.

“Pas euforisë të sezonit të kaluar ku u kurorëzuam me titull në Ligën Premier, gjithmonë kam ëndërruar se do të qëndrojë te Leicester City, klub që do ta dua gjithnjë”.

“Mjerisht kjo nuk ndodhi”.

Ranieri u shkarkua nga pronarët e klubit të enjten në mbrëmje, 298 ditë pasi ai u shpall kampion me Leicesterin, duke e bërë të pamundurën të mundshme.

“Dua të falënderoj gruan time Rosannan dhe gjithë familjen time për mbështetjen e tyre”.

“Falënderimet e mia shkojnë për Paolon dhe Andrean që më shoqëruan në këtë udhëtim të mrekullueshëm. Steve Kutner dhe Franco Granello që më mundësuan të bëhem kampion”.

“Kryesisht më duhet ta falënderoj Leicester City Football Club. Aventura ishte e mahnitshme”.

“Faleminderit të gjithë gazetarëve dhe mediave që kanë ardhur me ne dhe kanë raportuar një histori të madhe të futbolli për klubin tonë”.

“Falënderimet e mia të përzemërta për të gjithë në klub, të gjithë lojtarëve, stafit, të gjithë që ishin pjesë e asaj që kemi arritur”.

Ranieri veçoi tifozët Leicester për mbështetjen që i dhanë klubit.

“Por më së shumti tifozëve. Ju ma morët zemrën mua që në ditën e parë me dashuri. Edhe unë ju dua, gjithashtu. Askush nuk mund ta marrë atë  që ne e kemi arritur, dhe shpresoj që ta kujtoni në fund dhe të buzëqesheni”.

“Ishte një kohë e mrekullueshme dhe lumturinë nuk do ta harroj. Ka qenë një kënaqësi dhe nder për të qenë një kampion me të gjithë ju”, ka shkruar Ranieri në letrën e tij lamtumirëse. /Telegrafi/