Para hundës së Donald Trumpit vepron një agjenci e fuqishme sekrete e zbulimit, ai nuk e ka idenë që ajo ekziston (Foto)

Në bazën ushtarake që ruhet në masa të rrepta sigurie, e cila ndodhet njëzet milje nga Uashingtoni, gjendet selia e agjencisë së zbulimit GKA, për ekzistencën e të cilës dinë një numër i vogël i amerikanëve, shkruan Foreing Policy.

Ish-Presidenti amerikan Barack Obama, pesë muaj pasi kishte hyrë në Shtëpinë e Bardhë, nuk kishte reaguar fare kur i është përmendur emri i kësaj baze. Kjo ka ndodhur në vitin 2009, derisa po vizitonte një restorant të ushqimit të shpejtë (fast foood). Për këtë agjenci nuk është në dijeni as presidenti aktual amerikan Donald Trump, transmeton Telegrafi.

Obama derisa po shtrëngonte duart me një burrë e kishte pyetur se ku punon. Ai iu përgjigj se punon në Agjencinë Kombëtare Gjeohapësinore të Inteligjencës, ndryshe e njohur si GKA. Por, Presidenti mbeti mjaft i hutuar me përgjigjen e tij.

“Ju lutem ma shpjegoni çfarë do të thotë kjo Agjencia Gjeohapësinore…”, duke mos mundur t’ia përsëris emrin agjencisë.

Prej asaj kohe kanë kaluar tetë vite, kurse NGA vazhdon të mbetet agjencia më misterioze e inteligjencës amerikane nga pesë sa janë në total, përfshirë CIA-në dhe NSA-në.

Në NGA janë të punësuar afro tre mijë persona

Selia e agjencisë gjendet në ndërtesën e tretë më të madhe në Uashington. Në këtë agjenci janë të punësuar rreth tre mijë persona. Ndërtesa qendrore e agjencisë, ndërtimi i të cilës kishte përfunduar në vitin 2011, ka kushtuar hiq më pak se 1.3 miliard euro.

Detyra kryesore e kësaj agjencie është analizimi i imazheve të marra nga dronët, satelitët spiun dhe kamerat amatore të instaluara anembanë botës, e sidomos në Lindjen e Mesme.

Kjo agjenci vepron kryesisht jashtë Shteteve të Bashkuara. Pikërisht për shkak të këtij fakti, NGA kurrë nuk është përfshirë në skandalet e spiunimit të brendshëm, dhe kështu kurrë nuk është paraqitur në publik.

Megjithatë, ekspertët besojnë se ardhja e Donald Trumpit në krye të Shtëpisë së Bardhë mund ta ndryshoi këtë. Presidenti amerikan është i fiksuar pas sigurisë kombëtare, dhe ka investuar përpjekje të konsiderueshme në zgjerimin e juridiksionit të komunitetit të inteligjencës.

Kamerat prej 1.8 miliardë pikselëve

Prandaj, mund të pritet që në të ardhmen të fillojë të shfrytëzojë shërbimet e kësaj agjencie. Një vit më parë, Pentagoni ka publikuar rezultatet e një hetimi që tregoi se që nga viti 2006 deri në vitin 2015, në 20 situata të ndryshme kanë përdorur dronët në tokën amerikane.

Asokohe ishte shfaqur haptazi frika, se teknologjia që fillimisht është projektuar për spiunimin e armiqve të huaj, në të ardhmen do të përdoret për mbikëqyrjen e popullit amerikan, transmeton Telegrafi.

Përndryshe, përdorimi i dronëve spiun në hapësirën ajrore të SHBA-ve, është i miratuar nga Ministri i Mbrojtjes. Një vit më parë, amerikanët zyrtarisht kishin përdorur për herë të parë një sistem të veçantë të dronëve spiun në Baltimore, që janë zhvilluar për operacionet ushtarake në Irak.

Vetëm një numër i vogël i njerëzve e dinin se ata dronë kontrolloheshin në qiell nga një teknologji shumë e avancuar, që posedojnë kamera me rezolucion prej 1.8 pikselë.

Çfarë do të ndodh kur Trump të informohet për NGA-në?

Ndryshe nga spiunimi elektronik i NSA-së, i cili për të mbrojtur liritë civile kryen mbikëqyrje të rrepta, mbikëqyrja e NGA-së deri më tani nuk ka qenë nën kontrollin e Kongresit amerikan. /Telegrafi/