0Shares

Pjesa e tregut e kompanisë Google, në industrinë e reklamimit nga kërkimet, deri në vitin 2018 do të mund të ngritet në 80 për qind.

Raporti i kompanisë së kërkimeve eMarketer sugjeron se Google besohet se do të rrisë dominimin mbi konkurrencën, siç janë Yahoo ose Microsoft, transmeton KosovaPress.

Google me vite ndodhet para të gjithëve, kur bëhet fjalë për reklamimin në segmentin e kërkimeve dhe ky dominim do të vazhdojë të forcohet. Kompania vitin e kaluar kishte pjesëmarrje në treg prej 75,8 për qind, ndërsa shifrat e rritjes po vazhdojnë edhe në këtë moment.

Pritet që kompania amë, Alphabet, të gjenerojë rreth 36,6 miliardë dollarë të hyra nga ky pozicion gjatë vitit të ardhshëm. IAC dhe Amazon janë kompanitë e vetme të tjera të cilat kanë realizuar rritje në fushën e reklamimit në segmentin e kërkimit.

Të Ngjajshme

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)