Në Kosovë KQZ-ja dje organizoi tërheqjen e shortit që bëri të mundur renditjen e subjekteve politike në fletëvotim për zgjedhjet e parakohshme të 11 qershorit. Me këtë u zyrtarizuan edhe listat zgjedhore të kandidatëve për deputet në parlamentin e Kosovës.
Kryetarja e KQZ-së, Valdete Daka, thotë se “zgjedhjet e lira dhe demokratike janë themeli i angazhimit institucional, sepse qëllimi është që zgjedhjet të gëzojnë besimin e qytetarëve dhe aktorëve të tjerë të procesit zgjedhor”.
“U bëj thirrje subjekteve politike që të respektojnë plotësisht detyrimet kushtetuese dhe ligjore. Vetëm në këtë mënyrë, duke u angazhuar të gjithë bashkërisht, do të arrijmë që 11 qershorin ta kthejmë në një ditë feste për qytetarët e vendit tonë”, thotë kryetarja e KQZ-së Valdete Daka.
Edhe Përfaqësues të zyrës së BE-së në Kosovë bëjnë thirrje për respektim të rregullave zgjedhore dhe në të njëjtën kohë u kanë bërë thirrje qytetarëve të Kosovës që të dalin në zgjedhje dhe të ushtrojnë të drejtën e tyre të votës, pasi vetëm kështu do të ruhet demokracia në vend.
Prania ndërkombëtare dhe ambasadorët e QUINT-it vazhdimisht u bëjnë thirrje partive politike që në listat e kandidatëve për deputet të kenë emra kredibël dhe jo persona që kanë probleme me ligjin.
“Zyra e BE-së në Kosovë u ka bërë thirrje partive politike që të sigurohen se kanë propozuar kandidatë të përshtatshëm për pozita të larta që ata do të mbajnë. Kosova meriton përfaqësues të pozitës dhe të autoritetit të lartë moral. Në shumë prej vendeve tona individët, të cilët janë dënuar për ‘Krime të rënda’ përjashtohen automatikisht nga pjesëmarrja në zgjedhje”, thuhet në deklaratë për mediet lokale nga zyra e BE-së në Kosovë.
Zgjedhjet e përgjithshme të parakohshme në Kosovë edhe kësaj radhe do të vëzhgohen nga shumë vëzhgues vendas dhe ndërkombëtarë. Ndonëse akoma nuk dihet numri i saktë, përfaqësues të KQZ-së, thonë se deri më 4 qershor është afati i fundit i regjistrimit të vëzhguesve.
“KQZ ditë më parë ka nënshkruar një memorandum bashkëpunimi me Bashkimin Evropian dhe presim që të kemi 100 vëzhgues vetëm nga Bashkimi Evropian, të cilët do të jenë në Kosovë, pak para zgjedhjeve dhe ditën e zgjedhjeve. Numrin e përgjithshëm të vëzhguesve, akoma nuk e dimë, sepse do të ketë vëzhgues edhe nga subjektet politike, organizatat joqeveritare vendase dhe organizatat ndërkombëtare. Procesi i aplikimit të vëzhguesve është i hapur deri më 4 qershor”, thotë zëdhënësi i KQZ-së, Valmir Elezi.
Në vëzhgimin e këtyre zgjedhjeve do të jetë i pranishëm edhe koalicioni i organizatave joqeveritare, “Demokracia në veprim”, organizata këto që vazhdimisht vëzhgojnë proceset zgjedhore. Në këto zgjedhje demokracia në veprim angazhohet që të mbulojë mbi 2500 vendvotimet në Kosovë.
“Demokracia në veprim” është një koalicion i gjerë i organizatave vendase, të përkushtuara në sigurimin e integritetit të procesit zgjedhor në Kosovë. Edhe në këto zgjedhje do të mbulojmë të gjitha vendvotimet. Po presim që të jenë diku rreth 2500 vendvotime në tërë territorin e Kosovës dhe ne do t’i mbulojmë të gjitha”, thotë Albert Krasniqi, nga Demokracia në veprim.
Zyrtarisht fushata zgjedhore në Kosovë fillon me 31 maj, por subjektet politike tash e një javë janë angazhuar gjithandej bastioneve të tyre për të mobilizuar elektoratin për zgjedhjet e 11 qershorit.
Kosova hyn në zgjedhjet e parakohshme të 11 qershorit me koalicione të mëdha parazgjedhore, praktikë kjo që për herë të parë po aplikohet në Kosovë. Komisioni Qendror i Zgjedhjeve njoftoi se të regjistruar për zgjedhjet ka 5 koalicione, 19 parti politike dhe dy iniciativa qytetare. Të regjistruar si votues në Kosovë janë afro 1.9 milionë votues. Parlamenti i Kosovës do të ketë 120 deputet. /DW/
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën