Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare

Presidenti serb Aleksandar Vuçiq, në një deklaratë në margjinat e seancës së Këshillit të Sigurimit të Kombeve të Bashkuara (OKB), ka përdorur shprehje jashtëzakonisht fyese që nuk u takojnë presidentëve të shteteve.

Kështu ka thënë kryeministri slloven Robert Golob, shkruajnë mediat e huaja, përcjell Telegrafi.

Sipas mediave të huaja, përcjell Telegrafi, reagimi i Golob erdhi pasi Vuçiq tha një ditë më parë se “nuk dihet kush është më i neveritshëm, sllovenët apo dikush tjetër”, duke komentuar seancën e Këshillit të Sigurimit për Kosovën në të cilën mori pjesë.

Madje vetë mediat serbe, një veprim të presidentit serb e kanë quajtur “Skandali të ri diplomatik i Vuçiqit…”.

“Kur u vonua seanca e Këshillit të Sigurimit, pyeta se për çfarë bëhej fjalë, por më pas kuptuam se për këtë ishin marrë vesh me amerikanët, sllovenët dhe zviceranët. Nuk dihet kush është më i neveritshëm, sllovenët apo dikush tjetër”, citohet të ketë thënë Vuçiq.

Vucic’s statement, which caused a full-blown diplomatic crisis with Slovenia, also targeted ?? and ??:

“They [Kosovo] arranged all this with ??, ?? and ??.

It is not clear who is more disgusting, the Slovenes or some of the others who spoke.”pic.twitter.com/ciCSwWPDZR https://t.co/qFg4A9mjiK

— Admirim (@admirim) April 24, 2024

Golob tha në një deklaratë se shprehje të tilla “të kujtojnë kohë të tjera dhe janë të padenjë për nivelin e arritur të marrëdhënieve midis dy vendeve”.

“Sllovenia kryen punën e saj në Asamblenë e Përgjithshme të OKB-së mbi baza parimore dhe sinqerisht përpiqet të gjejë paqen dhe pajtimin midis popujve. Sllovenia gjithashtu mbron këtë në lidhje me Serbinë”, citohet të ketë thënë ai.

Mediat ndërkohë raportojnë se Ministria e Punëve të Jashtme e Sllovenisë ka ftuar në intervistë të ngarkuarin me punë të ambasadës serbe në Lubjanë.

Vuçiq kritikoi Slloveninë gjithashtu se është një nga sponsorët e Rezolutës për gjenocidin në Srebrenicë, e cila duhet të hidhet në votim para Asamblesë së Përgjithshme të Kombeve të Bashkuara në fillim të majit.

Në dokumentin e rezolutës thuhet se kërkohet, ndër të tjera, që të dënohet pa rezerva çdo mohim i gjenocidit në Srebrenicë, si dhe veprime që lavdërojnë të dënuarit për krime lufte, përfshirë ata që janë përgjegjës për gjenocidin në Srebrenicë.

Ndryshe, pavarësisht vendimeve të gjykatave ndërkombëtare, Beogradi zyrtar dhe autoritetet e entitetit boshnjak Republika Srpska mohojnë se në korrik të vitit 1995 është kryer gjenocid në Srebrenicë. /Telegrafi/

🗣"Vizitova Krushën e Madhe, e njoha në audiencë zonjën Hoti…", një pjesë e fjalimit të përfaqësuesit të Sllovenisë në OKB, Samuel Zbogar – gjatë seancës së Këshillit të Sigurimit të OKB-së#Telegrafi #Kosova #Serbia #Sllovenia #SamuelZbogar pic.twitter.com/hFzdhzrPEc

— Telegrafi.com (@Telegrafisti) April 25, 2024