Presidenti ukrainas Volodymyr Zelensky ka dënuar sulmin rus mbi qendrën tregtare – duke e cilësuar si një “prej sulmeve terroriste më sfiduese në historinë evropiane”.

Gjatë adresimit të tij më të fundit, Zelensky tha se për fat të mirë shumica e civilëve që ishin brenda qendrës, kanë arritur të dalin jashtë me kohë – por akoma “kishte disa brenda”.

“Sot sulmet ruse në qendrën tregtare në Kremenchukut, janë një prej sulmeve terroriste më sfiduese në historinë evropiane”, shtoi Zelensky.

Pas bombardimit të qendrës tregtare në Ukrainë, reagon Sekretari amerikan i Shtetit Pas bombardimit të qendrës tregtare në Ukrainë, reagon Sekretari amerikan i Shtetit

“Një qytet paqësor, një qendër tregtare e zakonshme, me gra, fëmijë dhe civilë të rëndomtë brenda saj. Vetëm terroristët fundërrina, që nuk do të duhej të kishin vend kudo në botë – mund të kryejnë një sulm mbi një objekt të tillë. Nuk është një sulm ajror, ku raketat kanë rënë gabimisht. Përkundrazi ishte një sulm i kalkuluar mirë nga rusët”, tha ndër tjera presidenti ukrainas.

Ai i ka bërë thirrje Shteteve të Bashkuara që ta njohin Rusinë si një “shtet që sponsoron terrorizmin”.

“Shteti rus është organizata më e madhe terroriste në botë. Dhe ky është fakt. Kjo duhet zyrtarisht të njihet. Të gjithë në botë duhet ta dinë se blerja apo transportimi i naftës rusë, ruajtja e kontakteve me bankat ruse, nënkupton t’i japësh shtetit rus para për terrorizëm”, tha për fund Zelensky. /Telegrafi/