Nga: Paul Simon (kënga “Bridge over Troubled Water”, albumi i po të njëjtit titull i vitit 1970, nga dueti Simon & Garfunkel)
Përktheu: Agron Shala

kur e lodhun je e ndihesh si asigjâ
kur sytë i kie t’përlotun
unë kam me t’i fshi
se n’anën tânde jam
e kur t’vijnë dit’t e mbrapshta
e shokët s’kie ku me i gjetë
si njí urë mbi ujin e trazuem
veten kam me e shtrue
si nji urë mbi ujin e trazuem
veten kam me e shtrue

kur je pa asnjí send
kur je n’rrugë
kur mbramja me t’zeza vjen
kam me t’ngushëllue
kam me e marrë hisen tânde
kur terri bjen
e dhembja âsht gjithkah
si nji urë mbi ujin e trazuem
veten kam me e shtrue
si nji urë mbi ujin e trazuem
veten kam me e shtrue

lundro, ti çikë e argjendtë
lundro ma tutje
se koha t’ka ardhë ti me shkëlqye
se krejt andrrat janë udhës për te ti
shih qysh shkëlqejnë
e nëse për nji shok nevojë ki
mbas teje jam tue lundrue
si nji urë mbi ujin e trazuem
mendjen kam me ta kthjellue
si nji urë mbi ujin e trazuem
mendjen kam me ta kthjellue