Ronaldo bën një gjest madhështor, ndalon autobusin e Portugalisë dhe fton në bord fëmijën e sëmurë për të bërë foto me të

Cristiano Ronaldo e ka ndaluar autobusin e ekipit të Portugalisë kur pa një fëmijë të sëmurë që mbante një poster në duar duke i kërkuar atij një përqafim.

Ekipi portugez ishte rrugës për në stadium për të zhvilluar finalen e Ligës së Kombeve sot (e diel) kundër Holandës në Estadio do Dragao në Porto.

Një djalë i ri po mbante një poster që kërkon një përqafim nga heroi i tij Ronaldo.

Lexo po ashtu Ronaldo e dërgon Portugalinë në finale të Ligës së Kombeve – dhuron spektakël duke shënuar tre gola ndaj Zvicrës

Kapiteni i Portugalisë ka ftuar të riun Eduardo Moreira, i cili vuan nga sëmundja e leukemisë, në autobus dhe ka bërë foto me të duke ia ngrohur zemrën me këtë gjest.

🙏 @cristiano stops the 🇵🇹 bus to take a selfie with his biggest fan Eduardo ❤ pic.twitter.com/JPyZVscVer

— 433 (@official433) June 8, 2019

Autobusi u ndalua më pas dhe ylli i Juventusit mori djalin e ngazëllyer në bord ku mes lumturisë dhe ngrohtësisë bëri foto me Ronaldon.

Eduardo, i cili thotë se është tifoz i madh i Ronaldos, është duke luftuar me sëmundjen që dhjetë vite, por mund të mbajë me vete kujtimin e kohës së tij me heroin e tij.

Ndryshe, Ronaldo njihet për bamirësinë e tij pasi ka dhënë më parë pesë milionë euro për të mbijetuarit e një tërmeti në Nepal në 2015.

Ai gjithashtu ka dhuruar 600 mijë funte për organizatat bamirëse që ndihmojnë refugjatët sirianë dhe shumë raste tjera ka qenë protagonisë. /Telegrafi/