Portugalia e ka siguruar finalen në Ligën e Kombeve falë Cristiano Ronaldos që ka shënuar het-trik kundër Zvicrës (3-1).

Një ndeshje që ishte nën diktatin e super yllit botëror që nga këmbët e tij prodhoi edhe një natë magjike për tifozët e futbollit.

Ndeshja nisi me të dy skuadrat që kërkonin të imponoheshin në fushë, duke kërkuar që të merrnin dominimin.

Cristiano Ronaldo e kaloi në epërsi Portugalinë që në minutën e 25-të me një goditje të fuqishme nga jashtë zonës e la të shtangur portierin Yann Sommer.

Goditja e yllit të Juventusit erdhi nga 30 metra dhe ishte e fuqishme, duke e kaluar në avantazh Portugalinë.

Cristiano Ronaldo gjatë goditjes . (Photo by Jan Kruger/Getty Images)

Pjesa e parë u mbyll me këtë rezultat.

Zvicra e barazoi rezultatin në pjesën e dytë, pas një aksioni të gjatë.

Një pasim i gjatë i Xherdan Shaqirit në zonë për Steven Zuber, i cili u pengua në zonë. Fillimisht gjyqtari nuk jep penallti dhe Portugalia hidhet në kundërsulm, ku fiton penallti me Bernado Silvan.

Pas rishikimit nga VAR, gjyqtari gjerman Felix Brych vendos për penallti në favor të Zvicrës.

Zvicra . (Photo by Jan Kruger/Getty Images)

Nga pika e bardhë i saktë doli të jetë Ricardo Rodriguez për ta barazuar rezultatin në 1-1.

Minutat e fundit të ndeshjes ishin të ndara për super yllin portugez.

Fillimisht ishte minuta e 88 kur Ronaldo shënoi nga brenda zonës me një goditje të fuqishme për 2-1.

Cristiano Ronaldo. (Photo by Jan Kruger/Getty Images)

Ronaldo nuk e la të këndellet Zvicra, kur në një kundërsulm të shpejtë shënoi për 3-1.

Het –trik i Ronaldos që e dërgon në finale të Ligës së Kombeve kombëtaren e tij. /Telegrafi/