Messi dhe Ronaldo përfshihen në top 10-shen e yjeve më të mëdhenj të sportit të të gjitha kohërave, lista bëhet virale

Lista e sportistëve më të mëdhenj të të gjitha kohërave po bëhet virale dhe çuditërisht dominojnë yjet e futbollit, Lionel Messi dhe Cristiano Ronaldo.

Messi dhe Ronaldo kanë ndarë skenën për më shumë se 15 vjet, me Luka Modric lojtarin e vetëm që ndërpreu dominimin e tyre 10-vjeçare të Topit të Artë.

Messi fitoi çmimin prestigjioz për herë të tetë në fillim të këtij muaji, duke çimentuar trashëgiminë e tij si ndoshta futbollisti më i madh në histori.

Lexo po ashtu Diferenca e frikshme e pikëve të Messit me Haalandin në garën për Topin e Artë – zbulohen votat e gjithë kandidatëve

Argjentinasi ishte kapiten i vendit të tij drejt lavdisë së Kupës së Botës në Katar dhe ka shijuar një fillim të shkëlqyer të jetës në Inter Miami, duke shënuar 10 gola në shtatë ndeshje.

Ndërkohë, Ronaldo ka refuzuar të lërë suksesin e rivalit të tij, pasi ka shënuar 15 gola në 16 paraqitje në të gjitha garat, duke regjistruar edhe nëntë asistime të tjera.

Karriera e jashtëzakonshme e dyshes është shpërblyer me vendin e parë dhe të dytë në listën ’10 atletët më të mëdhenj’ të Pubity Sports, me Messin që del në krye të listës.

View this post on Instagram

A post shared by Pubity (@pubity)

Pjesa tjetër e top 10-ës përbëhet nga Muhammed Ali, Michael Jordan, Virat Kohli, Usain Bolt, Mike Tyson, LeBron James, Serena Williams, Michael Phelps.

Është interesante që emra të mëdhenj si Kobe Bryean, Diego Maradona dhe Pele nuk e gjejnë veten pjesë të kësaj liste. /Telegrafi/