Kjo ‘pikë e nxehtë pushimesh’ po ofron vaksinime kundër COVID-19 për turistët – por ka një kusht

Ishte një nga vendet e para që u rihap plotësisht për udhëtarët dhe tani Maldivet po përpiqen të jenë të parët kur bëhet fjalë për “turizmin me vaksinim”.

Kjo pasi që, siç shkruajnë mediat e huaja, përcjell Telegrafi, zyrtarët për destinacionin e Oqeanit Indian kanë njoftuar planet për të ofruar vaksinime për turistët gjatë mbërritjes në një përpjekje për të joshur më shumë vizitorë.

Dr. Abdulla Mausoom, ministri i turizmit i vendit, ka konfirmuar se Maldivet po zhvillojnë një skemë “turizmi 3V”, e cila do të lejojë turistët të “Visit, Vaccinate and Vacation” (Vizitojnë, Vaksinohen dhe Pushime”.

Sipas Mausoom, vendi ka në plan të ofrojë dy doza të vaksinës për vizitorët, që do të thotë se ata që regjistrohen për të, do të duhet të qëndrojnë në Maldive për disa javë.

Ai shpreson se programi do të ndihmojë në rritjen e turizmit në arkipelagun ishullor të Oqeanit Indian, i cili kishte një mesatare prej 1.7 milion vizitorësh në vit para pandemisë.

Sidoqoftë, udhëtarët ndërkombëtarë të etur për të rezervuar një paketë “vaxication” në Maldive do të duhet të presin, të paktën tani për tani.

Skema “3V” nuk do të vazhdojë derisa e gjithë popullsia e vendit, e vlerësuar pak më pak se 550.000, të vaksinohet plotësisht.

“Ideja kryesore e turizmit që është e hapur është të sigurojë një turizëm të arsyeshëm të sigurt me shqetësime minimale”, i tha Mausoom kohët e fundit CNBC International.

“Pra, sapo vendi të vaksinohet, atëherë ne do të kalojmë në turizmin ‘3V’”.

Ai vazhdoi të konfirmonte se rreth 53% e popullsisë kanë marrë dozën e tyre të parë të vaksinës, duke përfshirë 90% të punëtorëve të vijës së parë të turizmit.

Të dhënat nga Universiteti Shtetëror i Miçiganit tregojnë se turizmi kontribuon në 28% të PBB-së së Maldiveve, një nga totalet më të larta në botë.

Ndryshe, Maldivet mbyllën kufijtë e saj në fund të marsit, por zyrtarët vendosën të rihapen plotësisht për të gjithë udhëtarët ndërkombëtarë pa asnjë kufizim në korrik.

Ndërsa vizitorëve u është kërkuar të kenë një test negativ për Covid-19 pas mbërritjes që nga shtatori, destinacioni ka vazhduar të mirëpresë udhëtarët gjatë muajve të fundit me rastet që mbeten relativisht të ulëta.

Deri më 15 prill, Maldivet kanë raportuar gjithsej 25,939 raste të coronavirusit dhe 67 vdekje. /Telegrafi/