Ministri i Shëndetësisë Venko Filipçe, thotë se ka shumë të panjohura në lidhje me bartjen e virusit dhe se akoma është e hapur çështja nëse ai mund të qëndrojë në ajër.

Filipçe tha se Organizata Botërore e Shëndetësisë ka konfirmuar se ka argumente që COVID-19, mund të transmetohet edhe përmes ajrit, përcjell Telegrafi Maqedoni.

“Çështja është sa gjatë virusi mund të qëndrojë në ajër dhe si transmetohet. Për këtë ka shumë të panjohura, por megjithatë mbajtja e maskës dhe distancës fizike. është masë e mjaftueshme për mbrojtje. Nuk ka ndonjë të sëmurë, i cili i ka respektuar masat”, tha Filipçe.

Ai pret që ditën e zgjedhjeve të respektohen protokollet dhe të mos ketë grupime./Telegrafi/