Është konfirmuar se Eriksen përjetoi arrest kardiak – definicioni, simptomat dhe shkaktarët
Mjeku i ekipit kombëtar të Danimarkës, Morten Bosen, ka konfirmuar se Christian Eriksen kishte pasur arrest kardiak, shkaktarët e të cilit akoma mbesin të panjohur, ndërkohë që i gjithë ekipi ka marrë mbështetje profesionale psikologjike.
Në një konferencë të përbashkët për shtyp me drejtorin e futbollit të kombëtares, Peter Moller dhe trajnerin Kasper Hjulmand, ai foli lidhur me atë që ndodhi me mesfushorin në ndeshjen kundër Finlandës.
“Nuk kemi ndonjë shpjegim (për atë që ndodhi), nuk e pashë drejtpërdrejt se çfarë ndodhi, e kam shikuar në TV si të gjithë ju”, është shprehur Bosen.
OMG Eriksen collapsed on the field 😭 pic.twitter.com/9d2Z1oC8yK
— Back2Back Fantasy Football Champ👑 (@Hovston) June 12, 2021
Arresti kardiak është humbja e menjëhershme e funksionit të zemrës, frymëmarrjes dhe vetëdijes. Kjo gjendje zakonisht rezulton nga një problem në sistemin elektrik të zemrës, i cili prish veprimin e pompimit të zemrës dhe ndalon rrjedhën e gjakut në trupin tuaj.
Arresti kardiak nuk është i njëjtë sikurse një sulm në zemër (infarkti), kur bllokohet rrjedha e gjakut në një pjesë të zemrës. Sidoqoftë, një sulm në zemër ndonjëherë mund të shkaktojë një shqetësim elektrik që çon në arrest kardiak.
Nëse nuk trajtohet menjëherë, arresti kardiak mund të çojë në vdekje. Mbijetesa është e mundur me kujdes të shpejtë dhe të duhur mjekësor. Reanimacioni kardiopulmonar (CPR), duke përdorur një defibrilator – apo edhe thjesht duke bërë kompresime në gjoks – mund të përmirësojë shanset për të mbijetuar.
Shenjat dhe simptomat e arrestit kardiak janë të menjëhershme dhe drastike: Rrëzim e papritur, humbje e pulsit, ndalim i frymëmarrjes, humbje e vetëdijes.
Ndonjëherë disa shenja dhe simptoma ndodhin para shfaqjes arrestit kardiak, siç janë: pakëndshmëri në gjoks, frymëzënie, dobësi, rrahje të shpejta, palpitacione (megjithëse më së shpeshti, arresti kardiak ndodh pa shenja paralajmëruese).
Shkaktari i zakonshëm i arrestit kardiak është ritmi jonormal i zemrës (aritmia) që ndodh kur sistemi elektrik i zemrës nuk funksionon si duhet.
Sistemi elektrik i zemrës kontrollon shkallën dhe ritmin e rrahjeve të zemrës. Nëse diçka shkon keq, zemra juaj mund të rrahë shumë shpejt, shumë ngadalë ose në mënyrë të parregullt (aritmi). Shpeshherë këto aritmi janë të shkurtra dhe të padëmshme, por disa lloje mund të çojnë në arrest kardiak të papritur.
Më së shpeshti, çrregullimi i ritmit të zemrës te arresti kardiak ndodh si pasojë e një fibriliacioni ventrikular (impulse të shpejta, të çrregullta elektrike që i bëjnë barkushet e zemrës të rrahin pa dobi, në vend që të pompojnë gjak).
Gjendjet e zemrës që mund të çojnë tek arresti kardiak janë: sëmundjet e arterieve koronare, infarkti i zemrës, kardiomiopatia (zemra e zmadhuar), sëmundja e valvuleve të zemrës, defektet e lindura të zemrës dhe problemet elektrike në zemër.
Faktorët e rrezikut: histori familjare me sëmundje të arterieve koronare, shtypja e lartë e gjakut, niveli i lartë i kolesterolit, mbipesha, diabeti, mungesa e aktivitetit.
Komplikimet: Kur ndodh arresti kardiak, reduktimi i qarkullimit të gjakut në tru shkakton humbje të vetëdijes. Nëse ritmi i zemrës nuk kthehet menjëherë në normalitet, atëherë ndodh dëmtimi i trurit dhe mund të pasojë vdekja. Të mbijetuarit nga arresti kardiak mund të shfaqin shenja të dëmtimit trunor.
Parandalimi: Zvogëloni rrezikun për arrest kardiak duke për kontrolle të rregullta, duke u ekzaminuar për sëmundje të zemrës dhe zhvilloni një mënyrë të shëndetshme jetësore.
Kur u pyet se sa pranë vdekjes ishte Eriksen, mjeku u përgjigj: “Atë e kishim humbur, ne e bëmë reanimimin kardiopulmonar (CPR) dhe kishte arrest kardiak. Sa afër ishim ne? Nuk e di, e kthyem, ndodhi shumë shpejtë”.
“Unë nuk jam kardiolog, prandaj nuk mund ta them pse ka ndodhur, do t’ua lë ekspertëve. Kjo është njëra prej arsyeve pse ai ndodhet ende në spital. Për të zbuluar se pse ka ndodhur”.
“Ai është i vetëdijshëm dhe përgjigjet në mënyrë përkatëse dhe të qartë. Zemra po rreh përsëri”, ka deklaruar doktori Morten Bosen. /Telegrafi/
Lufta Prigozhin - Putin
Më shumëNga Rubrika
“Nuk flas me pronarët prej tre muajsh, por nuk jam vetëm unë fajtori” – Pochettino flet sezonin e dobët të Chelsea
Fabregas tregon lojtarin aktual të Arsenalit i cili i kujton veten – nuk është Odegaard
Sensacioni i Serie A zhgënjen Interin dhe Juventusin, ëndërron të luajë në Ligën Premier
Teknologjia e vijës së portës ka analizuar golin në El Clasico, është konfirmuar se ishte apo nuk ishte
“Do të luajë dhe do të shënojë kundër Real Madridit” – Tuchel tregon se ylli i Bayern Munich është kthyer nga dëmtimi
Ikona e Barcelonës befason të gjithë - rikthehet të luajë futboll profesionist në moshën 58-vjeçare
Super agjenti Jorge Mendes i jep përgjigje PSG-së për Lamine Yamal
Zbulohet ‘mesazhi kërcënues’ që Ronaldo i kishte bërë Rangnickut gjatë kohës sa ishte lojtar i Man United
Real Madridi ndryshon prioritetet – transferimi i Davies më nuk është opsion, tani ka një emër tjetër
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre