Bashkëshortët slloven në ‘muajin e mjaltit përreth botës’: Vizituan 43 nga 198 shtetet e planifikuara, para dy javësh ishin në Kosovë – Prizreni iu la shumë mbresa (Foto)

Carmen dhe Matic janë bashkëshortët e rinj nga Sllovenia, që njihen prej se ishin trevjeçarë, që kur u bënë fqinjë.

Për vite me radhë ishin shokë të mirë, derisa shoqëria u shndërrua në dashuri dhe ata u fejuan, transmeton Telegrafi. Kaluan me sukses edhe procedurat e martesës, derisa nisën të planifikojnë muajin e mjaltit.

“Morëm hartën, e hapën Google Maps dhe nisëm të kërkonim se ku të shkonim, kishte vende aq të bukura” ka thënë Carmen.

Derisa ishin të fejuar, ata kishin vizituar shtete të ndryshme në Evropë, Azi dhe Shtetet e Bashkuara, andaj për muaj të mjaltit, zgjodhën që të bëjnë shëtitje në aq shtete sa të munden.

Punuan gjatë në tri turme, që të mbledhin para dhe kur arriti vera e vitit 2013, ata nisën udhëtimet. New Yorku ishte destinacioni parë, ndërsa do të përfundonin në Rio de Janeiro.

“Më 2014 u kthyem në shtëpi, por nuk ndjeheshim si në shtëpi dhe më nuk ishim vetja. Ndjenim sikur jemi pushues profesionist dhe duam të hulumtojmë edhe më tutje” kanë thënë bashkëshortët slloven.

Andaj ata hapën blogun e tyre për udhëtime dhe ushqime të shëndetshme, ku fotografitë mbresëlënëse iu kanë pëlqyer të gjithë. Ndihma e njerëzve vullnetmire, iu ka mundësuar që të planifikojnë vizitat në 198 shtete të ndryshme të botës, ndërsa deri më tani i kanë vizituar 43 prej tyre.

Country 41/196: Kosovo ?️⛪? Destination: Prizren Dates: From 29th to 30th of December It’s a charming city with a lovely river running through it, surrounded by mountains. It’s a place where the orthodox churches meet the mosques and create magic. Wishing you peace, Kosovo. ?☮️✌️ *** Swipe left to see some of the most beautiful sights in Prizren. ?? *** Want to be a part of our project? Check out our website to help us spread love! ❤️ ➡️Link in bio.⬅️ Follow @honeymoon_adventurers and stay tuned! ❤️☮️? #196xlove #love #peace #sustainabletourism

A post shared by Travel couple?196xLOVE (@honeymoon_adventurers) on Jan 17, 2019 at 8:50am PST

“Nga 29 deri më 30 dhjetor ishin në Prizren. Ishte një qytet shumë mbresëlënës, me një lumë të dashur që rrjedhtë në mes, derisa anash ishte rrethuar me male. Ishte vend ku kisha ortodokse takohet me xhaminë dhe krijohet një magji. “Ju urojmë paqe, Kosovë” shkruan në postimin e tyre, krahas disa fotografive nëpër qytetit e lashtë të Kosovës.

Në llogarinë e tyre në Instagram, ata shuhen shumë pak, ndërsa vënë në pah peizazhet më të bukura prej vendeve që i vizitojnë, teksa mbajnë në duar nga një glob të vogël.

“Disa besojnë në dashuri, të tjerë besojnë në udhëtime, ne besojmë në magjinë e të bashkuarit e të dyjave” është motoja e bashkëshortëve, që për një kohë të gjatë do vazhdojnë të jenë në muajin e mjaltit. /Telegrafi/