Pastroni dyshekët me ndihmën e një kapaku të tenxheres

Thuhet se kalojmë një të tretën e jetës sonë duke fjetur, por çuditërisht, dyshekët janë një vend që shpesh neglizhohen për t’u pastruar.

Sipërfaqen mbledhin papastërti të majme, një breshëri flokësh, djersë, marimanga të pluhurit dhe alergjenë të tjerë.

Sigurisht, madhësia e madhe e dyshekëve i bënë ata të ndërlikuar për t’u pastruar.

Për t’ju ndihmuar që ata të mos bëhen një terren për rritjen e mikrobeve, një ekspert ka ndarë një mënyrë efektive për t’i pastruar; dhe ju nevojitet një kapak tenxhereje.

Po, e keni dëgjuar mirë!

Kështu këshillon Martin Seeley, CEO i MattressNextDay, i cili tregon arsyet pse duhet ta bëni këtë.

“Dyshekët mund të bëhen tepër të ndotur me kalimin e kohës. Ata grumbullojnë qeliza të vdekura të lëkurës, të cilat shërbejnë si ushqim për marimangat e pluhurit dhe thithin djersën, vajrat e trupit dhe lëngjet e tjera”, pohoi Seeley.

“Me sipërfaqen e sheshtë të kapakut të tenxheres ju shpërndani presionin në mënyrë të barabartë, duke ju lejuar të hiqni butësisht papastërtitë dhe alergjenët pa dëmtuar materialin e dyshekut”, pohon eksperti.

“Kur kombinohet me leckë mikrofibre, kapaku i tenxheres vepron si një furçë pastrimi me përmasa të mëdha, duke hequr në mënyrë efektive papastërtitë dhe alergjenët nga thellësitë e fibrave të dyshekut. Është miqësor ndaj mjedisit, me kosto efektive dhe i përshtatshëm për të gjitha llojet e dyshekëve. Madhësia e kapakut të tenxhere ju lejon të mbuloni një zonë më të madhe, duke e bërë procesin e pastrimit më efikas. Pesha e tij siguron presion të mjaftueshëm për të futur detergjentin në sipërfaqen e dyshekut”, ka shtuar tutje.

Çfarë duhet të bëni?

Fillimisht përgatiteni detergjentin, duke përdorur ujë të ngrohtë, një sasi të vogël detergjenti për larjen e rrobave dhe pak alkool. Për njolla më të forta, mund të shtoni një lugë çaji sodë buke.

Merrni një leckë me mikrofibra dhe zhyteni në detergjentin e përgatitur, mbështilleni rreth kapakut të tenxheres.

Nisni pastrimin e dyshekut duke përdorur lëvizje rrethore. Për njollat e forta, bëjeni me uthull të bardhë dhe sodë buke përpara se të përdorni metodën e kapakut të tenxheres.

Lëreni dyshekun të thahet plotësisht përpara përdorimit, përndryshe mund të jeni të ndjeshëm ndaj mykut. Nëse është e mundur, vendoseni dyshekun në rrezet e diellit që të thahet më mirë e po ashtu rrezet e diellit janë dezinfektues të mirë. /Telegrafi/