Autoritetet e Beogradit do të duhej të bisedojnë me serbët që janë në institucionet e Kosovës, sepse ata përfaqësojnë mekanizmin e vetëm institucional që do të mund të mbronte interesat e serbëve që jetojnë në jug të lumit Ibër, vlerësojnë përfaqësuesit e shoqërisë civile dhe qytetarë serbë të Kosovës. Ata akuzojnë Beogradin se po udhëheq dy politika të ndryshme karshi serbëve në veri dhe atyre në pjesën qendrore të Kosovës.
Koordinatori i Shoqatës së familjeve të personave të zhdukur, Milorad Trifunovic, i ka thënë Zërit të Amerikës se në qoftë se kryeministri serb Dacic ka shtrënguar duart me kryeministrin Thaçi, pse atëherë të mos flasë edhe me përfaqësuesit e serbëve në Qeverinë e Kosovës
“Në radhë të parë në rend të ditës do të duhej të shtrohej çështja e të kidnapuarve dhe të pagjeturve, dhe ata tanët, të cilët na përfaqësojnë në Qeverinë e Kosovës të tregojnë se çfarë kanë bërë në ndriçimin e fatit të të pagjeturve dhe nëse planifikojnë të bëjnë diçka në këtë drejtim”, ka thënë Trifunovic.
Ndërsa, Predrag Radonjic, nga OJQ “Srpsko slovo”, mendon se Beogradi duhet ta thotë qartë nëse duhet të bisedohet me përfaqësuesit e serbëve në institucionet e Kosovës, sepse, siç tha ai, situata e tanishme është tërësisht konfuze.
“Beogradi, në njërën anë thotë se nuk pranon institucionet e Kosovës, se nuk pranon komunat e Kosovës, kurse në anën tjetër e shohim se si komunikon me ta, për shembull bisedon me kryetarin e Graçanicës, si me një përfaqësues legjitim të serbëve, kurse në anën tjetër shumica e atyre njerëzve nuk e dinë kush është kryetar serb i Prishtinës. Kjo është një situatë plotësisht skizofrene dhe kjo të krijon përshtypjen se po udhëhiqen dy politika, njëra karshi veriut dhe tjetra karshi serbëve në pjesën qendrore të Kosovës, kështu që është e paqartë se çfarë në të vërtetë kërkon Beogradi”, tha Radonjic.
Edhe Nebojsa Mitic, nga Qendra Rinore në Graçanicë, e cila tash dy vjet merret me analizën e procesit të dialogut ndërmjet Prishtinës dhe Beogradit, di dhe me monitorimin e implementimit të marrëveshjeve të arritura, vlerëson se Beogradi për hir të ekzistencës së serbëve në Kosovë, do të duhej të bisedojë me përfaqësuesit e serbëve në institucionet e Kosovës
Banorët e Graçanicës vlerësojnë se duhet të ndodhë dialogu serbo-serb në mes Beogradit dhe Prishtinës.
Mediat serbe së fundmi kanë paralajmëruar takimin ndërmjet kryeministrit dhe zëvendëskryeministrit serb, Ivica Dacic dhe Aleksandar Vucic, me zëvendëskryeministrin e Kosovës, Slobodan Petrovic. /Telegrafi/
Lufta Prigozhin - Putin
Më shumëA po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Çfarë përfiton ekonomia e Kosovës me regjistrimin e popullsisë
Arrestohet një serb në Bërnjak, dyshohet se ka kryer krime lufte në Gjakovë
Italiania e dashuruar me Sarandën: Sa erdha thashë do të jetoj këtu, tani kam biznes
Ura e Fshajtë e dëmtuar, paraqet rrezik për kalimtarët
Presidentja sllovene tregon nëse EUROPOL po heton prejardhjen e armëve të Milan Radoiçiqit që u gjetën në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë