Narkomania si fenomen ka filluar të bëhet çdo ditë e me shqetësuese për shkak të rritjes së numrit të përdoruesve, vlerësojnë për Telegrafin sociologë dhe drejtues të OJQ-ve. Trendi i rritjes është shqetësues sidomos në mesin e adoleshentëve, ku mosha mesatare e fillimit të përdorimit të drogave ka rënë në 12-13 vjet.
Referuar statistikave të organizatës joqeveritare “Labirinti”, numri i përdoruesve që varen nga përdorimi i drogës sillet prej 3000-5000.
Sipas statistikave të Policisë së Kosovës në vitin 2012 janë konfiskuar 94 kilogramë heroinë, 1237 kg marihuanë, 7 kg kokainë, 12508 fara kanabisi dhe 153 ekstazi.
Ekspertët alarmojnë për një qasje me serioze të institucioneve shtetërore dhe shoqërisë në përgjithësi karshi këtij problemi.
Drejtori i OJQ-së “Labirinti”, Safet Blakaj në një deklaratë për Telegrafin tregon se numri i përafërt i përdoruesve që janë të varur nga drogat sillet nga 3000 deri 5000. Ky numër vlerësohet shumëfish më i madh nëse llogaritet përdorimi edhe i marihuanës.
Blakaj shqetësim tjetër paraqiti edhe moshën e përdorimit të drogave, që tashmë ka rënë në 12-13 vjet.
“Mosha mesatare e fillimit të drogës është 16.5 vjet. Ndërsa mosha mesatare kur kalohet në varësi nga drogat është 21 vjet. Në drogat me përdorim më të madh mbetet Kanabisi (marihuana) në vendin e parë, heroina, kokaina, pastaj vijnë drogat të ashtuquajtura drogat e klubeve ‘extazi’ etj”, tha ai, duke shtuar se është i pakënaqur edhe me mungesën e programeve të rehabilitimit në Kosovë.
Sociologu, Fadil Maloku në një prononcim për Telegrafin thekson se mundësitë e përdorimit të drogës janë të shumta për shkakun se shoqëria kosovare definitivisht ka bërë një hapje të “pa kontrolluar”, në kuptimin që ka pranuar çdo vlerë deviante pa kurrfarë selektimi.
Sipas tij, fenomeni i narkomanisë prodhon pasoja sociale, shpenzime enorme materiale, abstenim nga pjesëmarrja dhe shfrytëzimi i të drejtave të garantuara qytetare, etj.
Ai tha se shkaqet më të shpeshta të përdorimit të drogave janë: kureshtja në moshën e adoleshencës, pastaj, mundësia e ikjes nga realiteti, zhgënjimi nga zhvillimet dhe perspektiva qoftë ajo personale apo familjare, ndikimi i rrethit etj. /Telegrafi/
Lufta Prigozhin - Putin
Më shumëÇfarë përfiton ekonomia e Kosovës me regjistrimin e popullsisë
Parlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Arrestohet një serb në Bërnjak, dyshohet se ka kryer krime lufte në Gjakovë
Mesiq: Vuçiq si Millosheviqi, por “Serbia e Madhe” nuk do të bëhet
Italiania e dashuruar me Sarandën: Sa erdha thashë do të jetoj këtu, tani kam biznes
Rama: Problemit të mbeturinave në kryeqytet i erdhi fundi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë