Mediumi i njohur zbulon ‘favoritin sekret’ për të fituar Euro 2024

Kombëtarja e Spanjës po cilësohet si favorit sekret për të triumfuar në Kampionatin Evropian ‘Gjermani 2024’, edhe përkundër se shumë tifozë të futbollin nuk e llogarisin as në mesin e tri apo pesë ekipeve të para.

Mediumi i njohur The Athletic e konsideron Kombëtaren e Spanjës ‘favorite sekrete’ për të fituar Euro 2024 për disa arsye.

Spanjollët mburren me një skuadër të kompletuar – një golashënues si Alvaro Morata dhe dy anësorë shkatërrues si Lamine Yamal dhe Nico Williams.

La Roja gjithashtu ka një mesfushë solide që paraqet ‘më të mirët në botë’ dhe taktikisht të zgjuar si Rodri dhe Redri.

Lexo po ashtu Grupi B: Formacionet e mundshme të kundërshtarëve të Shqipërisë

Për më tepër, mbrojtja e tyre përbëhet nga mbrojtës që luajnë top si Aymeric Laporte dhe Robin Le Normand dhe një mbrojtës që nuk vdes kurrë si Dani Carvajal.

Portieri i tyre Unai Simon gjithashtu përfundoi si më i miri në La Liga sezonin e kaluar.

Përveç gjithë kësaj, Spanja luan një stil futbolli të bazuar në zotërimin e topit që lodh kundërshtarët dhe hap boshllëqe për sulmuesit e tyre për t’u shfrytëzuar.

Lexo po ashtu Zviceranët kryen 10,000 simulime për fituesin e Euro 2024 – befasi në renditjen e favoritëve

Ndoshta askush nuk mund ta shohë Spanjën të vijë me ekipe si Franca, Anglia, Portugalia dhe Gjermania nikoqire që konsiderohen si favoritë, por La Roja janë aty për të thënë fjalën e tyre.

Euro 2024 fillon të premten, më 14 qershor, me ndeshjen hapëse mes Gjermanisë dhe Skocisë, e cila fillon nga ora 21:00. /Telegrafi/