Carragher flet për Grupin B ku ndodhet Shqipëria, parashikon një befasi të madhe

Kanë mbetur edhe pakë ditë deri në fillim të Kampionatit Evropian ‘Euro 2024’.

Sigurisht që gjithë shqiptarëve iu intereson Grupi B, aty ku bënë pjesë Kombëtarja e Shqipërisë së bashku me Spanjën, Italinë dhe Kroacinë.

Legjenda angleze e futbollit, Jamie Carragher ka folur për këtë grup, ku ka parashikuar një befasi të madhe.

Lexo po ashtu Anglezët nuk i lënë asgjë rastësisë: Përpilojnë një "rregull të artë" për t'i mbajtur lojtarët të fokusuar në Evropian

Ish-mbrojtësi i Liverpoolit e ka renditur në pozitën e fundit Shqipërinë, derisa befasia është se Italinë e sheh duke u eliminuar nga faza e grupeve edhe pse janë kampionët në fuqi të Evropës.

“Grupi më i bukur dhe ekuilibruar është ai i Spanjës, Kroacisë dhe Italisë. Gjithçka do të vendoset në ndeshjet e fundit. Gjithsesi, unë mendoj se në fund do të kualifikohen Spanja si vend i parë dhe Kroacia si e dytë”, tha Carragher.

Lexo po ashtu Mediat italiane zbulojnë lojtarin më të rëndësishëm te Shqipëria, Italia, Spanja dhe Kroacia

“Kroatët kanë në ekip një nga futbollistët më të mirë në histori: Luka Modric. Italia do të renditet e treta dhe Shqipëria e fundit. Kam idenë që italianët nuk do të kualifikohen si vend i tretë, ata do të mbeten në grup”.

“Skuadra e Spallettit do të grumbullojë pak pikë, sepse janë pjesë e një grupi shumë të vështirë”, deklaroi Carragher. /Telegrafi/