Britaniku po jeton në aeroportin e Polonisë që prej Vitit të Ri dhe nuk pranon të largohet

Një burrë nga Britania e Madhe, i cili njihet vetëm si Princi N, prej më shumë se tre javësh ndodhet në aeroportin e Polonisë, ku “jeton” dhe kërkon para nga pasagjerët.

Ai u shfaq në aeroportin në Katowice më 1 janar, ai arriti me një fluturim nga Leeds dhe ishte dashur të udhëtonte për në Abu Dhabi, por ai nuk hipi në aeroplan. Që atëherë, ai është në aeroport, ku u kërkon lëmoshë pasagjerëve para dhe nuk pranon të largohet.

Njerëzit në aeroport e përshkruan atë si “punëtor” dhe “agresiv”, dhe një punonjës i dyqanit tha se megjithëse dukej i varfër, ai kishte të paktën një kartë bankare.

“Kur i thashë të mos e bënte këtë, ai u zemërua dhe filloi të bërtasë. Unë u tremba dhe thirra sigurimin. Pas përfundimit të turnit shkova te miqtë e mi që punojnë në kafene dhe më thanë se ky njeri po vinte edhe në vendin e tyre, i erdhi keq”, tha ajo.

Në fillim ajo mendoi se Prince ishte në një lloj krize dhe i bleu një sanduiç, shkruan metro.co.uk.

Policia thotë se nuk ka autoritet për të dëbuar një burrë që tashmë është marrë në pyetje 14 herë. Në gazetë u botua një apel për të gjetur dikë që e njeh këtë britanik.

Të tjerët e panë duke u larë në banjat e aeroportit, ndonjëherë duke kaluar gjithë ditën atje.

Zëdhënësi i policisë, Kamil Kubica tha se burri u dëbua nga hoteli në aeroport pasi shkatërroi dhomën.

Sipas zëdhënësit të aeroportit, Piotr Adamczyk, pasagjeri tërhoqi vëmendjen me sjelljen e tij, ai ishte agresiv ndaj të tjerëve, përfshirë stafin e aeroportit. Policia e ka ndaluar disa herë në një periudhë prej 48 orësh.

Është informuar edhe Ambasada e Britanisë së Madhe në Varshavë, e cila i ka ofruar princit t’i blejë një biletë për t’u kthyer në vendlindje, por ai nuk është i interesuar për këtë. /Telegrafi/