Tërmet i fuqishëm në Nepal, të paktën 128 të vdekur

Të paktën 128 njerëz u vranë dhe dhjetëra u plagosën në Nepal kur një tërmet i fortë goditi lagjen perëndimore të Jajarkot, thanë zyrtarët sot, pasi shtëpitë në zonë u shembën.

Tërmeti ka ndodhur të premten në orën 23:47 me orën lokale, me magnitudë 6.4 shkallësh të Rihterit, njoftoi Qendra Kombëtare Sizmologjike e Nepalit.

Qendra Gjeologjike Kërkimore Gjermane e mati tërmetin në 5.7, nga 6.2 fillestare, ndërsa Shërbimi Gjeologjik i SHBA-së e vlerësoi atë në 5.6.

#नेपाल में आए #भूकंप में अब तक 250 से ज्यादा लोगों की मौत हो चुकी है और सैंकड़ों लोग घायल है, कई मकान जमींदोज हो गए तथा सड़कों में दरारें आ गईं हैं
नेपाल में आए इस विनाशकारी #earthquake का केंद्र जाजरकोट के रमीडांडा में था इसलिए इस इलाके में ही सबसे ज्यादा नुकसान हुआ है. #Nepal pic.twitter.com/QXBMmwR162

— Naila Kidwai (@naila_kidwai) November 4, 2023

Tërmeti është më vdekjeprurësi që nga viti 2015, kur rreth 9000 njerëz vdiqën në dy tërmete në vendin e Himalajeve, raporton reuters.

Qytete të tëra, tempuj shekullorë dhe vende të tjera historike u shndërruan më pas në gërmadha, me më shumë se një milion shtëpi të shkatërruara, duke i kushtuar ekonomisë 6 miliardë dollarë.

Zyrtarët kanë frikë se numri i të vdekurve nga tërmeti mund të rritet sepse nuk kanë qenë në gjendje të vendosin kontakte në një zonë kodrinore pranë epiqendrës, rreth 500 km në perëndim të kryeqytetit Katmandu, ku u ndjenë edhe lëkundjet. Rrethi ka një popullsi prej 190 mijë banorësh me fshatra të shpërndara në kodrat e largëta. /Telegrafi/