Zbatimi i marrëveshjes për normalizim të raporteve dhe shtensionimi i situatës në veri pritet të jenë temat kyçe të diskutimit në takimin e ardhshëm mes Kosovës dhe Serbisë. Nga Qeveria thonë se agjenda e takimit të 14 shtatorit do të dihet ditëve në vijim.
Shtatori do t’i ulë sërish përballë njëri tjetrit liderët e dy shteteve që marrëdhëniet vazhdojnë t’i kenë të tensionuara.
Kryeministri i Kosovës, Albin Kurti dhe presidenti i Serbisë, Aleksandar Vuçiq më 14 shtator do të zhvillojnë takimin e radhës në kuadër të dialogut, por agjenda e tij nuk dihet ende.
Bile ajo nuk është dakorduar akoma, sipas Qeverisë së Kosovës.
“Agjenda e plotë e këtij takimi do të specifikohet dhe dakordohet ditëve në vijim. Për të do të njoftoheni me kohë”, kanë thënë nga Qeveria e Kosovës.
Por se nga do të shkojnë bisedimet është pak a shumë e qartë Visar Ymerin që udhëheq institutin “Musine Kokalari”.
Zbatimi i marrëveshjes finale pritet të jetë ndër diskutime, por ikja nga tema e shtensionimit, sipas tij, është e pamundur.
“Ka dy mundësi, ose ky takim do të përqendrohet te zbatimi i marrëveshjes, ose te përshkallëzimi, ose do ti prek të dyja. Mirëpo unë mendoj që kjo elementi i depërshkallzimit nuk është se do mund të shmanget nga takimi, duke qenë se ky është qëndrim i Bashkimit Evropian, i Shteteve të Bashkuara të Amerikës dhe të gjithë shteteve perëndimore që e përkrahin dhe e mbështesin procesin e dialogut dhe Kosovën në të”, ka thënë Ymeri.
Pavarësisht se çfarë do të flitet aty, profesori Arben Fetoshi liston pikat prej të cilave do të varet suksesi i këtij takimi.
Varet nga lëvizjet në teren, në kuptimin e detyrave që i kërkohen Qeverisë së Kosovës për të krijuar kushtet për zgjedhjet e parakohshme në katër komunat veriore dhe për të paraqitur draftin për asociacionin që Vuçiç e përdorë mjeshtërisht për t’iu shmangur detyrimeve, që rrjedhin nga marrëveshja e Brukselit dhe aneksi i Ohrit”, ka thënë Fetoshi.
Një ditë më parë, këshilltari i kryeministrit Jeton Zylfaj ka thënë se do të shkojnë në Bruksel për zbatim të marrëveshjes dhe sipas tij, gjithçka tjetër nuk do ti kontribuonte normalizimit të raporteve.
Takimi i fundit Kurti-Vuçiq kishte ndodhur më 9 maj, pas mbajtjes së zgjedhjeve të parakohshme për komunat veriore, që ishin bojkotuar nga qytetarët serbë./RTV Dukagjini/
Promo
Reklamo këtuLufta Prigozhin - Putin
Më shumë"SHBA të çojë dronë në Kosovë", Serwer: Vuçiq do "Serbinë e madhe", Asociacioni pas njohjes së Kosovës nga Serbia
Vetëdorëzohet 23-vjeçari qe ekzekutoi policin e 'Shqiponjave'
Kurti në Kotor, takohet me përfaqësuesit e SHBA-së dhe BE-së
Deputeti i LVV-së kundër idesë së Kurtit për shpërbërjen e Kuvendit
PDK-ja s’ka vija të kuqe me asnjë parti, përfshirë edhe VV-në e Kurtit
Të enjten pluhuri Saharian arrinë në Kosovë - do të ketë shi me baltë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3