Një banorë e vendosi një ‘kamerë’ të rreme për matjen e shpejtësisë në një rrugicë në Maryland – policia e detyron që ta heq atë

Një banor i një qyteti të vogël ka krijuar ndasi tek opinioni pasi e ndërmori një veprim unik për t’i bërë shoferët që të ulin shpejtësinë në një rrugicë periferike.

Por policia e zonës veçse ka urdhëruar heqjen e “kamerës së rreme” për matjen e shpejtësisë.

Bëhet fjalë për një banor të Kensington-it të Maryland-it.

Sipas raporteve, kamera e rreme ishte vendosur në një rrugicë e cila i lidh dy rrugë të mëdha, dhe zakonisht përdoret si një “rrugë e shkurt”, me shoferët të cilët thuhet se vozisin shpejtë në zonën e periferisë në mënyrë që të kursejnë kohë, shkruan Drive, transmeton Telegrafi.

Megjithatë, pas disa incidenteve që thuhej se përfshinin dëmtimin e veturave të parkuara në këtë pjesë, banori anonim vendosi që ta marrë përsipër këtë problem – ai punoi diçka që dukej si një kamerë për matjen e shpejtësisë duke përdorur 2 kuti, të cilat i kishte lyer me bojë të përhimët.

Përderisa personi i cili e vendosi kamerën e rreme për matjen e shpejtësisë nuk mori asnjë gjobë, WUSA9 raporton se policia e Montgomery County i hoqi shenjat dhe përgjegjësit i tha që ta heqë atë nga trotuari ku e kishte vendosur kamerën – edhe pse nuk mund të zhvendoset në pronë private pa pasur leje.

Pavarësisht se banorët e tjerë të rrugës bëjnë thirrje për pengesa të shpejtësisë ose pajisje të tjera për të ngadalësuar drejtuesit të cilët e tejkalojnë shpejtësinë, thuhet se nuk ka plane që autoritetet lokale të instalojnë parandalues të shpejtësisë në rrugën periferike. /Telegrafi/