Lautaro refuzon mega ofertën saudite për të qëndruar te Interi

Lautaro Martinez thuhet se ka refuzuar një ofertë me vlerë rreth 240 milionë euro nga një klub nga Arabia Saudite, duke mos pasur synim të largohet nga Interi.

Të premten, dolën raporte nga Argjentina që sugjeronin se sulmuesi 25-vjeçar kishte marrë një ofertë për kontratë katërvjeçare nga një skuadër saudite e paidentifikuar me vlerë 60 milionë euro neto në sezon, një pagë me vlerë 10 herë më shumë se paga e tij aktuale në kryeqytetin e Lombardisë.

Lautaro, i cili ka edhe tre vite kontratë me Interin, është rritur në një figurë lideri në klub dhe pritet të emërohet kapiteni i ri për sezonin e ardhshëm.

Lexo po ashtu Një klub nga Arabia Saudite i ofron Lautaros një kontratë marramendëse, dhjetëfish më të lartë sesa fiton te Interi

Sipas mediumit Gazzetta dello Sport, Lautaro refuzoi ofertën fitimprurëse nga Arabia Saudite, duke mos dashur të largohej nga Interi në këtë kohë.

Interi e konsideron 25-vjeçarin të pashitshëm dhe nuk do të dëgjojë asnjë ofertë nën 150 milionë euro, duke e bërë atë figurën qendrore në projekt.

Sezonin e kaluar, Lautaro shënoi 28 gola dhe dha 11 asistime në 57 paraqitje në të gjitha garat. /Telegrafi/