Ambasada amerikane në Beograd për vrasjen brutale të vëllezërve Bytyqi: Serbia nuk po i sjell para drejtësisë autorët e krimit

Ambasada amerikane në Serbi edhe një herë ka kërkuar që të sillen para drejtësisë autorët e vrasjes së vëllezërve Bytyqi, Yllit, Mehmetit dhe Agronit.

SHBA-ja kujton se kanë kaluar 24 vjet prej vrasjes së shtetasve amerikanë dhe ende nuk janë gjetur përgjegjësit.

“Kanë kaluar 24 vjet që kur shtetasit amerikanë Ylli, Mehmet dhe Agron Bytytqi u ekzekutuan gjersa ishin në paraburgimin e policisë speciale serbe. Çdo vit që kalon pa u mbajtur askush përgjegjës për këtë krim brutal lufte është një fyerje ndaj shtetit të së drejtës”, shkruan ambasada në Twitter.

Prošle su 24 godine otkako su američki državljani Ili, Mehmet i Agron Bitići pogubljeni dok su bili u pritvoru srpske specijalne policije. Svaka godina koja prođe a da niko nije odgovarao za ovaj brutalni ratni zločin predstavlja uvredu za vladavinu prava.

— Američka ambasada (@USEmbassySerbia) July 7, 2023

Shtetet e Bashkuara kanë kërkuar që të hetohet plotësisht rasti dhe të dënohen edhe autorët e mbulimit të krimit.

“Shtetet e Bashkuara të Amerikës i bëjnë thirrje sërish Serbisë edhe një herë që të hetojë plotësisht këtë rast dhe të vërë para drejtësisë ata që kanë kryer dhe kanë mbuluar këto vrasje. Ne do të vazhdojmë këtë thirrje deri në vendosjen e drejtësisë”, njoftoi ambasada.

Sjedinjene Američke Države ponovo pozivaju Srbiju da u potpunosti istraži ovaj slučaj i privede pravdi one koji su počinili i zataškali ova ubistva. Nastavićemo sa tim pozivom dok pravda ne bude zadovoljena.

— Američka ambasada (@USEmbassySerbia) July 7, 2023

Më 23 qershor të vitit 1999, tre vëllezër shqiptarë kishin ndërmarrë një nismë shumë njerëzore: të përcillnin një familje rome nga Prizreni drejt kufirit me Serbi, që po shkonte drejt Kralevës.

Gjatë këtij udhëtimi, ata të tre e kaluan pavetëdije kufirin, për çka u arrestuan nga policia serbe dhe u dënuan nga Gjykata për Kundërvajtje në Prokuple me 15 ditë burgosje.

Lexo po ashtu Rezolutë për vëllezërit Bytyqi sërish në Kongresin amerikan, kërkohet që personat përgjegjës për vrasjen të dalin para drejtësisë

Kur po përfundonin dënimin, tre vëllezërit Bytyqi, Ylli, Agroni dhe Mehmeti u dërguan në një bazë trajnimi të policisë serbe, ku u vranë me plumba pas koke dhe ua zhdukën gjurmët.

Trupat e tyre u gjetën në vitin 2001, në një varrezë masive në Petrovo Sello, afër qytezës Kladovo, bashkë me shqiptarë të tjerë të vrarë nga forcat serbe gjatë luftës në Kosovë. /Telegrafi/