Barcelona humbi tri nënshkrime të mëdha brenda një muaji

Mëngjesin e të enjtes, Xavi Hernandez kërkoi më shumë përforcime për sezonin 2023/24, por ai pranoi hapur kufizimet ekonomike. Dhe, pikërisht, ky variabël ka rënduar Barcelonën për një kohë të gjatë.

Këtë verë, në vetëm një muaj, katalunasit kanë parë se si tre nga objektivat e tyre zgjodhën një tjetër opsion për të ardhmen. Klubi luftoi për Leo Messin, Marcelo Brozovicin dhe Arda Guler, por nuk mundi të nënshkruante asnjërin prej tyre.

Emri i parë i madh në kodin e tregut ishte ai i Leo Messit. Barcelona nuk e fshehu asnjëherë dëshirën e madhe për ta rikthyer argjentinasin dhe Xavi madje ia hapi derën edhe në disa intervista analizoi se si do të përshtatej në skuadër. Por më 7 qershor, kampioni në fuqi i botës i dha fund telenovelës.

“Unë nuk do të kthehem në Barça, do të shkoj në Inter Miami”, tha argjentinasi për të njoftuar kalimin e tij në MLS. Në këtë mënyrë ra edhe objektivi i parë i madh i Barcelonës këtë verë.

I dyti u nis për në Arabi Saudite. Brozovic, pas disa ditësh luhatje, zgjodhi Al-Nassr. Kroati ishte një nga objektivat e mëdhenj për të zëvendësuar të larguarin Sergio Busquets. Pikërisht, interesimi i Barcelonës ka nisur në merkaton e dimrit dhe më pas të dyja palët mbajtën kontakte, por më në fund mesfushori zgjodhi propozimin e skuadrës së Cristiano Ronaldos.

Tani katalanasit po kërkojnë opsione të tjera në treg për të mbuluar pozitën e mesfushorit mbrojtës apo balancues, një pozicion, sipas trajnerit, kyç pas largimit të Busquets.

Dhe i treti ka qenë Arda Guler. Real Madridi ka njoftuar transferimin e talentit të madh turk, i cili kërkohej nga shumë skuadra, përfshirë Los Blancos dhe Barçën.

Edhe javën e kaluar, Deco ishte në Turqi për të tentuar të mbyllte marrëveshjen dhe kështu të kalonte përpara klubeve të tjera. Por, më në fund, futbollisti ka zgjedhur propozimin e Real Madridit.

Kimmich dhe Zubimendi

Rasti i mesfushorit të Bayern Munichut dhe ai i Real Sociedad është disi i ndryshëm, pasi Barcelona, ​​ndonëse ka qenë e interesuar fort për të dy, ka qenë shumë e qartë që në fillim se nuk ka arritur në pretendimet financiare të të dy institucioneve.

“Për shkak të çështjes ekonomike, ne nuk po shqyrtojmë këto dy operacione”, ka thënë presidenti Joan Laporta javën e kaluar. /Telegrafi/