Drejtori ekzekutiv i Grupit Ballkanik për hulumtimin e politikave, Naim Rashiti, në një intervistë në emisionin “Përballje” në Telegrafi.com, ka thënë se epiqendra e procesit të marrëdhënieve Kosovë-Serbi për faktorin ndërkombëtar është veriu.
Në intervistën me kryeredaktorin Muhamet Hajrullahu, Rashiti ka deklaruar se në thelb nuk është kështu pasi sipas tij, për Serbinë veriu është vetëm një instrument për ta shantazhuar dhe bllokuar Kosovën.
Por, analisti politik ka thënë se faktori ndërkombëtar ka dështuar ta kuptojë me vite këtë.
“Prej fillimit të mandatit të kësaj qeverie, faktori ndërkombëtar ka pasur qasje krejtësisht ndryshe me Qeverinë. Ka pasur mosmarrëveshje, keqkuptime e dallime të mëdha. Por, në faza të mëhershme Qeveria në çdo rrethanë është dashur ta menaxhojë më mirë çështjen e veriut sepse ajo është situatë ekspozuese. Argumenti im gjithmonë në lidhje me këtë situatë është që mos të kishin qenë tabelat, do të kishte qenë një arsye tjetër që presidenti serb t’i tërheqte serbët nga institucionet e Kosovës, pra do ta rrebelonte veriun. Ky ka qenë synimi i tij”, është shprehur Rashiti.
“Ideja është që institucionet e Kosovës të koncentrohen më shumë te procesi i normalizimit, duke iu ikur incidenteve të tilla në veri. Po e shohim se sa sensitiv është faktori ndërkombëtar ku edhe përkundër marrëveshjes për normalizim, i gjithë fokusi kthehet në veri. Epiqendra e procesit të marrëdhënieve Kosovë-Serbi për faktorin ndërkombëtar është veriu, e në thelb nuk është pasi për Serbinë veriu është vetëm një instrument për ta shantazhuar dhe bllokuar Kosovën. Këtë faktori ndërkombëtar ka dështuar ta kuptojë me vite dhe tani jemi në një situatë s’mund të marrë as nënshkrimin për zbatimin e marrëveshjes së Ohrit e as zotim për de-eskalimin e situatës në veri”.
Mes tjerash, ai ka thënë se ky është realitet i ri i politikës së jashtme dhe me të cilin Kosova duhet të ballafaqohet.
“Duhet të kthehet një hap mbrapa të ulet në Prishtinë e të mendojë mirë një plan konkret për veriun dhe të merret me menaxhimin e situatës pa llogaritur shumë në procesin e normalizimit. Tani presidenti Vuçiq kërkon edhe autonomi të madhe sepse faktori ndërkombëtar nuk po kërkon zgjidhje njëjtë si në vitin 2015, domethënë faktori ndërkombëtar po kërkon një zgjidhje siç e thashë shumë më të madhe, gjithçka tjetër përveç ndarjes. Kjo është realitet”, ka theksuar Rashiti.
“Kjo fjala autonomi nuk është përdorur vetëm nga presidenti i Serbisë, është përdorur edhe nga faktori ndërkombëtar edhe tani ka marrë rrugë në këtë proces. E rëndësishme është po prapë pa normalizim dhe Kosova e ka një argument të fuqishëm që nuk mund ta finalizojë statusin e veriut pa normalizim të plotë. Duke pasur parasysh që nuk ka normalizim, atëherë duhet t’i kthehet një procesi politik, të përdorë instrumentet apo idetë çfare i ka qeveria apo të ketë një qëndrim më të madh më madhor politik, nuk e di se si do të formësohet ajo dhe të ulet me miqtë e saj ta menaxhojë veriun”.
Në fund, ai ka thënë se situata në veri kërkon menaxhim shumë të kujdesshëm sepse aty mbetet burim i shfrenimit të situatës së sigurisë për krejt Kosovën.
“Jo që do të ketë trazira në Prishtinë e në jug, po mbetet siç po e shohim lajm ndërkombëtar i përhershëm”, ka përfunduar Rashiti./Telegrafi/
Promo
Reklamo këtuLufta Prigozhin - Putin
Më shumëNga Rubrika
Ahmeti: Vendit tonë i duhet harmoni ndërmjet komuniteteve dhe anëtarësim i plotë në BE
Siljanovska-Davkova: Marrja e certifikatës nga KSHZ është formalitet
Aksident në aksin Delvinë-Kardhiq, humb jetën 53-vjeçari – ishte pjesë e një grupi motoçiklistësh që po eksploronin rivierën
“Ne ishim të gatshëm ta japim jetën për ta mbrojtur Kosovën”, presidentja Osmani përcjell mesazhin e ushtarëve amerikanë të Gardës Kombëtare të Teksasit
Serbët e veriut: Ata që duan të jetojnë këtu duhet ta kenë patentë-shoferin e Kosovës
Tragjedia në Shkodër, prokuroria zbulon mesazhet ofenduese dhe tradhtinë në celularin e bashkëshortit të Alma Arrazit
Kurti fton në takim liderët e tri partive opozitare, tregon për çka do të bisedojnë
Taksitë ilegale, Dushi paralajmëron shtimin e masave në kryeqytet dhe konfiskim të automjeteve për kohë më të gjatë
Gjendet pa shenja jete një grua në Ferizaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Kurti fton në takim liderët e tri partive opozitare, tregon për çka do të bisedojnë
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron
Bayern Munich e ka gjetur trajnerin e ri, Flick rikthehet dhe për ndihmës do ta ketë legjendën gjermane
“Podcasti me Afronën është keqkuptuar, ndjenjat e mia i përkasin ‘bebes’” – Befason Blero me reagimin
Largimi i Kylian Mbappe liron 225 milionë euro për PSG-në, një 'pjesë e konsiderueshme' do të investohet te ylli i Serie A
Como është ngjitur në Serie A pas 21 vitesh, Fabregas dhe Henyr kanë arsye për festë