Drejtori ekzekutiv i Grupit Ballkanik për hulumtimin e politikave, Naim Rashiti, në një intervistë në emisionin “Përballje” në Telegrafi.com me kryeredaktorin Muhamet Hajrullahu, ka folur lidhur me dialogun Kosovë-Serbi, zvarritjen e këtij procesi si dhe tensionet në pjesën veriore të vendit.
Sipas tij, zhvillimet e fundit janë produkt i procesit të dialogimit në Ohër, aty ky siç ka thënë Rashiti, Bashkimi Evropian ka nxjerr pothuajse me forcë një marrëveshje e cila nuk i ka ndryshuar raportet mes palëve, por e ka bërë Serbinë edhe më agresive.
“Situata nuk ka ndryshuar asgjë, përveç një dokumenti i cili është nxjerr pothuajse me forcë nga z. Borrell dhe z. Lajçak nga palët në Bruksel e në Ohër, por i cili në thelb nuk ka ndryshuar raportet mes Kosovës dhe Serbisë, nuk ka ndryshuar qasjen e palëve e të Serbisë, ajo është bërë edhe më agresive dhe rezultat i krejt kësaj çka ka ndodhur sot dhe zhvillimet e njëpasnjëshme janë produkt i atij procesi të Ohrit, formës së bërjes së të ashtuquajturës marrëveshje dhe dështimin për të siguruar implementim gjithëpërfshirës”, ka deklaruar analisti politik.
E duke komentuar protestat që po mbahen tash e mbi dy javë nga serbët lokalë në veri, Rashiti ka thënë se “nuk ka asnjë parametër që na çon të besojmë se do të kemi proces të normalizimit”.
“Më herët faktori ndërkombëtar ka mundur disi ta bindë Serbinë ta shtyjë t’i bëjë disa hapa e në këtë stad faktori ndërkombëtar nuk është në gjendje që më të paktën gjë të nxjerr nga Serbia në raport me Kosovën. Ky defekt bashkë me marrëveshjet ka sjell në këtë gjendje ku jemi”.
Ai tutje është shprehur se kjo nuk e përjashton aspak përgjegjësinë e Kosovës, e cila sipas tij, është dashur ta menaxhojë tërësisht më mirë situatën në veri.
“Por, ajo që duhet kuptuar tani është që nuk ka proces të normalizimit. Faktori ndërkombëtar nuk po e bind dot Serbinë për këtë situatë. Tani duhet të ndodh një proces paralel politiko-juridik e i sigurisë për ta menaxhuar veriun. Paralel kësaj mund të ketë edhe proces të dialogut në Bruksel, i cili duhet të jetë ekskluzivisht për normalizim të plotë dhe implementim gjithëpërfshirës të marrëveshjes. Nuk mund të shkohet në Bruksel për çdo situatë të menaxhimit të krizave në veri”.
Rashiti ka thënë se është Kosova pala e cila duhet të bëjë një ofertë politike, krahas veprimeve të sigurisë të cilat po i ndërmerr në veri.
“Prishtina, institucionet e Kosovës dhe elita politike duhet ta gjejnë një mënyrë të guximshme për t’u ballafaquar me realitetin në veri. Realiteti kërkon një ngërthim të veprimeve politike dhe të sigurisë. Besoj se edhe me hapat e sigurisë që do të merren do të ketë mbështetje ndërkombëtare, por kësaj po i mungon një ofertë politike. Nuk do të kthehen serbët në situatën paraprake pa një ofertë politike. Një prej tyre mund të jetë që të ketë një plan për fillimin e konsultave për themelimin e Asociacionit brenda Kosovës, e të mos shkohet në Bruksel fare për këtë çështje”.
“Konsultat duhet të bëhen me serbët e Kosovës dhe me mbështetje ndërkombëtare që deri në shtator të ndërtohet statuti i Asociacionit e pastaj të mbahen zgjedhjet. Në këtë mënyrë Kosova do ta bind faktorin ndërkombëtar që ta mbështesë Kosovën për ta menaxhuar situatën e sigurisë në veri. Mendoj se këtë po e kërkon faktori ndërkombëtar”, ka deklaruar ndër të tjera ai./Telegrafi/
Lufta Prigozhin - Putin
Më shumëShqiptohen 10 gjoba për dhënien e "Ozempic" pa recetë të mjekut - Spitali i Gjilanit raporton për tre raste me efekte të dyshimta nga përdorimi i tij
Arrestohet një person në Bërnjak, kishte vendosur 50 euro në mesin e dokumenteve gjatë kontrollit në pikën kufitare
Një veturë mbi 5 mijë euro dhe disa para të kursyera, çfarë pasurie ka Drejtori i Përgjithshëm i Policisë, Gazmend Hoxha?
Përleshje fizike mes dy personave në Prishtinë, një polic lëndohet gjatë intervenimit për t'i vënë në kontroll
A po e kushtëzon Sllovenia Kosovën me Asociacion për t'u bërë pjesë e Këshillit të Evropës - flet presidentja Pirc Musar
Tahiri: Kurti të jap shpjegim pse Serbia mbeti e pa ndëshkuar edhe pas rastit në Banjskë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur