‘Si i shpëtoi Fabinho kartonit të kuq’ – reagime të shumta të tifozëve për mospërjashtimin e mesfushorit të Liverpoolit

Fabinho i ka shpëtuar kartonit të kuq pa një ndërhyrjeje brutale ndaj Evan Fergusonit të Brightonit.

Mesfushori kishte hyrë në fushë vetëm dy minuta më herët në ndeshjen e Kupës FA, të cilën Liverpooli e humbi, para se t’i ndërhynte nga prapa sulmuesit të ‘Seagulls’.

Futbollistit të Redsave iu dha karton i verdhë, ndërsa VAR-i nuk reagoi për ta ndryshuar në të kuq.

Ky vendim ka nxitur reagimin e tifozëve, të cilët nuk kanë mundur të besojnë pse Fabinho nuk u përjashtua nga loja.

It should always be a straight red every time a player snaps at the Achilles like that. One of the most dangerous actions a footballer can partake in. Fabinho’s intent was malicious as well here. pic.twitter.com/nn2T0BAa2e

— Vizard (@Vizard_IO) January 29, 2023

---

Disa nga reagimet e shumta në rrjetet sociale:

“Fabinho e dinte qartë se ishte i kuq, ndërsa ata nuk ia dhanë”.

“VAR-i është absolutisht një shaka. Ndërhyrja e Fabinhos në Fergusonin është kartoni i kuq më i pastër dhe i dukshëm që do të mund ta shihni gjithë sezonin”.

“Ajo ndërhyrje e Fabinhos një nga më të këqijat që ke mundur ta shohësh”.

“Absolutisht shokuese. Si është e mundur që VAR-i të mos e konvertojë në karton të kuq”.

“Duhej të ishte direkt karton i kuq për Fabinhon. Shpresoj që Ferguson të jetë mirë…”.

---

Ferguson u largua nga loja dhe u zëvendësua me Deniz Undav, ndërsa shkoi drejt tunelit me asistencë. /Telegrafi/