Messi mbështet Benzeman për të fituar Topin e Artë

Pak do të kishin parashikuar se Karim Benzema do t’i kalonte Lionel Messin dhe Cristiano Ronaldon në futbollin spanjoll, por francezi është shfaqur si lojtari më i mirë në Spanjë.

34-vjeçari francez mund të jetë në prag të sigurimit të një çmimi që përdoret për të diskutuar ekskluzivisht mes Messit dhe Ronaldos, të cilët kanë fituar 12 herë çmimin individual në 13 vitet e fundit.

Megjithatë, gazeta Marca ka përcjellë fjalët e Messit nga një intervistë për TyC Sports, ku ai është pyetur se kush duhet ta fitojë Topin e Artë këtë vit.

Lexo po ashtu Ancelotti mbështet Benzeman për të fituar Topin e Artë pas rekordit të ri te Real Madridi

“Unë mendoj se këtë vit nuk ka dyshime, është e qartë se Benzema pati një vit spektakolar”, ka thënë fillimisht Messi.

“Ai përfundoi duke fituar Ligën e Kampionëve, duke qenë vendimtar që nga raundi i 16-të e tutje në çdo ndeshje”.

“Nuk mendoj se ka dyshime këtë vit”, përfundoi shtatë herë fituesi i Topit të Artë.

Lexo po ashtu Mbappe përkrahë Benzeman për Topin e Artë, zgjedh top treshen e këtij viti

Përveç bëmave të tij në Ligën e Kampionëve, Benzema ishte padyshim lojtari më i mirë edhe në La Liga sezonin e kaluar.

Në të gjitha garat, Benzema shënoi 44 gola dhe 15 asistime në 46 paraqitje. Megjithatë, përtej statistikave, numri i golave ​​të jashtëzakonshëm, por edhe atyre vendimtar ishin pjesë e bëmave të francezit. /Telegrafi/