“Në ‘zonën e sigurt’, një person sulmohet nga qentë endacakë”, “Një grua sulmohet nga qentë endacakë në kampusin e UP-së”, janë disa nga titujt e raportimeve pothuajse ditore në mediat e Kosovës. Qytetarët, veçanërisht ata të Prishtinës, vijojnë të bien pre e sulmeve nga qentë endacakë, të cilët ndodhen pothuajse në çdo lagje e rrugë të kryeqytetit.
Shpeshherë viktima të këtyre sulmeve janë edhe kategoritë më të ndjeshme të shoqërisë; gratë shtatzëna, fëmijët e të moshuarit. Disa kalojnë me pasoja më të lehta e ca të tjerë përfundojnë në spitale.
Mijëra euro janë ndarë nga buxheti i komunës dhe pika të reja ushqyese për strehimin e tyre janë hapur, megjithatë problemi me qentë endacakë vijon të jetë i pazgjidhur.
Në fillim të muajit prill, Komuna e Prishtinës njoftoi se janë hapur 18 pika të reja ushqyese për qentë endacakë në kryeqytet dhe totali i tyre ka shkuar në 23.
Në një përgjigje me shkrim për Telegrafin, nga ky institucion ndonëse nuk treguan se sa është buxheti total i ndarë gjatë vitit 2021 dhe muajve të 2022-ës, thanë se përmes këtyre pikave synojnë uljen e agresivitetit të qenve endacakë.
“Është provuar tanimë se në 5 pikat ushqyese të cilat kane ekzistuar nuk ka pasur agresivitet të qenve endacakë, prandaj ne po shpresojmë që e njëjta do të ndodhë edhe me pikat e reja, të cilat sapo janë përfunduar”, thuhet në përgjigjen e tyre.
Por, hapja e këtyre pikave të reja të ushqimit nuk e ka ulur numrin e rasteve të sulmit nga qentë endacakë. Bazuar në të dhënat e Policisë së Kosovës të dërguara në adresë të redaksisë, 41 qytetarë janë sulmuar nga qentë endacakë në Prishtinë dhe po aq kanë pësuar lëndime trupore, vetëm gjatë periudhës janar-mars 2022.
Sipas këtyre të dhënave, gjatë vitit 2021 janë sulmuar gjithsej 89 qytetarë, ndërsa prej tyre 69 kanë marr lëndime.
Kryetari Përparim Rama ditë më parë ka kërkuar ndihmën e komunave të tjera dhe të Qeverisë së Kosovës për zgjidhjen e këtij problemi. E të pyetur se për çfarë ndihme konkretisht bëhet fjalë, nga Komuna e Prishtinës thanë se “në kuadër të nivelit qendror, kërkohet që të dilet me strategjinë kombëtare e cila do të adresojë çështjen e qenve endacakë në nivel kombëtar”.
Për këtë, nga komuna bënë të ditur se Ministria e Administrimit dhe Pushtetit Lokal ka dhënë muajin qershor si datë në të cilën do të dalin me një strategji, përfshirë edhe rregullativën e re.
“Ne kemi organizuar një takim rajonal, pra, të komunave me të cilat kufizohet Komuna e Prishtinës, ku kemi diskutuar edhe mbi këtë çështje, por besojmë se një organizim nga Asociacioni i Komunave te Kosovës (AKK), me të gjitha komunat, do të duhej të ndodhte, në mënyrë që aktivitetet të ndodhin në të gjitha komunat”, thuhet në përgjigjen e tyre.
“Nga takimi rajonal është premtuar se do te koordinohemi, edhe pse koordinimi ende nuk ka filluar. Të njëjtin premtim e kemi marrë edhe nga niveli qendror dhe po shpresojmë se premtimet do të mbahen. Derisa, edhe AKK po shpresojmë se do te organizojnë takimin e të gjitha komunave”, thuhet tutje.
Ndërsa, drejtori ekzekutiv i Asociacionit të Komunave të Kosovës, Sazan Ibrahimi tha se angazhimi i komunave në zgjidhjen e problemit me qentë endacakë nga ka munguar asnjëherë, mirëpo sipas tij, kjo problematikë duhet të zgjidhet në nivel vendi.
“Gjithmonë komunat ndajnë mjete financiere për zgjidhjen e kësaj çështje mirëpo nëse Qeveria nuk fillon ta trajtojë këtë problem në nivel shteti, zgjidhja parciale nuk e zgjidh këtë problem. Kemi kërkuar dhe gjithmonë do kërkojmë që kjo problematikë të trajtohet në nivel vendi se përndryshe nuk e besojmë që do ketë zgjidhje adekuate dhe që do ta zgjidhte këtë çështje në mënyrë të duhur”, deklaroi Ibrahimi për Telegrafin.
Kryeministri i vendit, Albin Kurti, në fund të muajit janar pati premtuar se do të hartojë Strategji Kombëtare për menaxhimin e qenve endacakë.
Për këtë zotim Telegrafi ka provuar të kontaktojë me zëdhënësit e Qeverisë, për t’i pyetur nëse ka filluar puna për hartimin e kësaj strategjie, por të njëjtit kanë qenë të paqasshëm./Telegrafi/
Promo
Reklamo këtuLufta Prigozhin - Putin
Më shumëNga Rubrika
Gjilanasi gjobitet me 500 euro dhe i konfiskohet vetura për shkelje të rregullave të trafikut
Rama: Korrupsioni nuk është mundur, ka shumë për të bërë dhe vetë brenda PS
Në Strugë për president do të votojnë 267 të sëmurë dhe të pafuqishëm, për zgjedhjet parlamentare 281 persona
Shtatë xhaketa të ushtrisë, fishekë e radio lidhje – Policia njofton se çfarë u gjet në shtëpinë e të dyshuarit që sulmoi Policinë dhe KFOR-in
Kurti takon gjeneralin e FSK-së: Nuk e ka prekur gjysmën e mandatit, por ngritja dhe rritja e FSK-së është e paparë
“Para se të hidhej e pa Erdgysin me 18-vjeçaren": Zbardhet dëshmia e motrës së Almës
Mjeku konfirmon se ekspertiza mjeko-ligjore është e mundur të dallojë shenjat e dhunës në trupat e fëmijëve të gjetur të mbytur në Shkodër
Policia dhe KFOR-i amerikan sulmohen në Leposaviq – iu bllokua rruga dhe u hodhën shishe xhami ndaj tyre
Lajçak arrin në ShBA, pritet nga Escobar: Takim shumë produktiv, patëm diskutime të thella
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'