Arsenali po përpiqet shumë që të kompletojë të paktën dy blerje në afatin kalimtar të janarit  

Arsenali po punon për të bërë blerje të reja në skuadrën e tyre përpara mbylljes së afatit kalimtar të dimrit të hënën, shkruan The Daily Express.

Topçinjtë po përgatiteshin për disa ditë të ngarkuara të afatit të janarit, megjithatë, kanë mbetur vetëm edhe katër ditë.

Mikel Arteta ende nuk ka bërë ndonjë blerje, ndërsa janë larguar Ainsley Maitland-Niles, Sead Kolasinac dhe Pablo Mari.

Arsenali është afër që të sigurojë shërbimet e portierit amerikan, Matt Turner nga skuadra e MLS, New England Revolution.

Arsenal are closing on Matt Turner signing from New England Revolution. Deal in place for summer move, @TaylorTwellman reports and club sources confirm. Fee expected to be around €7m plus €3m add ons. 🇺🇸 #AFC

Personal terms already agreed. Final details and then done deal. pic.twitter.com/4wjI8BIJKZ

— Fabrizio Romano (@FabrizioRomano) January 27, 2022

Nënshkrimi me një portier të ri nuk është prioriteti kryesor i Arsenalit në këtë afat kalimtar. Topçinjtë po shikojnë për një mesfushor qendror dhe një sulmues.

Klubi ka zhvilluar bisedime për një marrëveshje huazimi për mesfushorin brazilian Arthur, por Juventusi po heziton ta lirojë lojtarin 25-vjeçarin pa sjellë një zëvendësues.

Arsenali është i lidhur edhe me yllin e Lyonit, Bruno Guimaraes. Sidoqoftë, Newcastle United është me sa duket favorit për të blerë mesfushorin.

Douglas Luiz i Aston Villa është një tjetër objektiv i Topçinjve. Megjithatë, mbetet për t’u parë nëse ata do të rrisin interesin e tyre për 23-vjeçarin para afatit të transferimit.

Përveç Arthur, Guimaraes dhe Luiz, Topçinjtë janë gjithashtu admirues edhe të Youri Tielemans të Leicester City dhe Ruben Neves e Wolves.

Në sulm, Arteta thuhet se ka identifikuar Dominic Calvert-Lewin, Alexander Isak dhe Jonathan David si alternativa për këtë afat.

Mbetet të shihet se a do të mund të afrojë ndonjë, pasi koha po shkon dhe afati është afër mbylljes. /Telegrafi/