Përkundër dëshirës së agjentit, Dembele kërkon rinovimin e kontratës me Barcelonën

Sipas Mundo Deportivo, ylli i Barcelonës, Ousmane Dembele ishte gjithnjë e më afër transferimit te Manchester United, me agjentin e tij që dyshohet se e ka këshilluar që të mos rinovojë kontratën me katalunasit.

Me Mason Greenwood, Marcus Rashford, Anthony Martial – që kanë më pak minuta, Cristiano Ronaldo dhe Jadon Sancho, luajnë në pozicionin që Dembele do të kërkonte të përmbushte në Old Trafford.

Të mërkurën (sot), Foot Mercato e cituar nga Get French Football News raporton se, kundër dëshirës së agjentit, Dembele ka vendosur që ai dëshiron të qëndrojë në Barcelonë.

Kjo përkundër faktit se një klub anglez i paidentifikuar i ka ofruar Dembeles një pagë prej 20 milionë euro në vit dhe një bonus nënshkrimi prej 30 milionë euro, sipas Get French Football News.

Barca me siguri do të jetë e kënaqur nga kjo situatë, pavarësisht se sulmuesi nuk ka arritur kurrë fare pranë formës së lartë që e kishte te Dortmundi për shkak të lëndimeve të vazhdueshme gjatë kohës së tij në Camp Nou.

Por, Dembele thuhet se tashmë ka njoftuar klubin se dëshiron të vazhdojë kontratën edhe për tre vite të tjera. /Telegrafi/