Renditja e UEFA-s për klube, Shkëndija ekipi shqiptar më së larti – Drita prinë nga skuadrat kosovare

Shumë skuadra shqiptare po marrin pjesë në garat evropiane nga shtetet si Kosova, Shqipëria, Maqedonia e Veriut, por edhe nga Mali i Zi.

E në ranglistën e shtëpisë më të madhe evropiane UEFA, janë plot 19 skuadra shqiptare.

Klubi shqiptar nga Maqedonia e Veriut, Shkëndija ndodhet më së larti nga gjitha ekipet shqiptare.

Kampioni në fuqi i Maqedonisë së Veriut ndodhet në pozitën e 132-të, duke lënë mbrapa Laçin në pozitën e 193 dhe Kukësin në pozitën e 194-të.

Sa i përket skuadrave nga Kosova, Drita ndodhet më së larti dhe është e pesta nga të gjitha klubet shqiptare.

Bardhekaltërtit ndodhen në vendin e 220-të, duke lënë mbrapa skuadrat si Teuta (272), Shkupi (274) dhe Prishtina (280).

Llapi është në vendin e 397-të, Gjilani në të 398, Feronikeli në vendin 399 dhe Trepça ’89 në vendin e 400-të.

Sa i përket të gjitha klubeve shqiptare, skuadra nga Mali i Zi, KF Deçiç ndodhet e fundit në renditje 429. /Telegrafi/

Pozita   Emri      

132. Shkëndija
193. Laçi
214. Kukësi
220. Drita
272. Teuta
274. Shkupi
280. Prishtina
281. Partizani
290. Skënderbeu
351. Tirana
397. Llapi
398. Gjilani
399. Ferronikeli
400. Trepça ‘89
405. Vllaznia
406. Luftëtari
410. Renova
412. Struga Trim Lum
429. FK Deçiç