Ndodhë puthja mes Vesës dhe Beratit në serialin “Rrushe”

Episodi i gjashtë i serialit Rrushe solli një moment shumë interesant për publikun, moment që shihet rrallë herë në prodhimet vendore, puthja mes dy protagonistëve kryesorë të serialit, Vesa Pirullit dhe Berat Hotit.

Pas shumë momenteve të vështira për Vesën dhe Beratin, duket se lidhja e tyre po rritet dhe po bëhet më e fortë. Kjo u vërejt më së miri në fundin e episodit të gjashtë, ku një natë e bukur u përmbyll me një puthje të ngrohtë, duke e lënë publikun të kënaqur, por edhe të shokuar me atë se si do të vazhdojë ngjarja mes këtyre dy personazheve.

Episodi i gjashtë solli shumë momente kritike, që duket se do të sjellin pasojat në episodat e ardhshme. Berati, edhe pse ka krijuar një afërsi me Vesën, në realitet ka një qëllim shumë të errët, marrjen e fotografive të cilat i ka lënë Arbeni tek Vesa, qysh në episodin e parë.
E derisa Vesa dhe Berati po kalojnë mirë, e njejta nuk mund të thuhet për personazhet tjera. Mentor Pirulli ende është i shtrirë në spital. Djali i tij Armendi duket se ka probleme të mëdha emocionale, ndërsa babai i tij, Faruk Pirulli, duket se ka një fshehtësi që po ia shkatërron jetën.

Se si do të zhvillohet lidhja e Vesës dhe Beratit, mbetet të shihet. Rrushe rikthehet këtë të diel, nga ora 20:00 në T7 dhe nga ora 21:00 në gjirafaVideo.
Episodin e gjashtë të serialit Rrushe mund ta ndiqni më poshtë.