Në Ditën Ndërkombëtare të Gruas, rrjeti i organizatave për të drejtat e grave protestuan para Ministrisë së Punëve të Brendshme të Maqedonisë së Veriut me moton “Shteti që nuk vepron është shtet që përdhunon”, duke vënë theksin në dhunën ndaj grave, që është gjithnjë e më e pranishme në rrjetet sociale.
Nga rrjeti i organizatave joqeveritare “Platforma për barazi gjinore”, thanë se marshi i së hënës, paraqet një mbështetje për të gjitha viktimat e “Dhomës publike 2” (Javna Soba) në platformën Telegram, ku ishin shpërndarë mbi 10,000 fotografi dhe video me përmbajtje eksplicite të vajzave të mitura dhe grave, pa dijeninë e tyre.
Të hënën, më 8 mars, Prokuroria Publike njoftoi se hetimi sa i përket rastit “Dhoma Publike 2”, është në fazën përfundimtare dhe se tashmë është ngritur procedurë hetimore ndaj dy personave, për veprën penale “Prodhim dhe distribuim i pornografisë së fëmijëve”.
Por, viktimat e “Dhomës Publike 2”, thonë se duhet që të investohet në profesionalizmin e organeve të sigurisë në raport me qasjen e tyre ndaj viktimave të dhunës mbi baza gjinore. Ato po ashtu kërkojnë që të ngriten kapacitetet institucionale me qëllim të mbrojtjes së viktimave pasi ato denoncojnë dhunën tek organet kompetente.
Në protestën e së hënës, po ashtu është kërkuar që ngacmimi seksual përmes internetit, të rregullohet në mënyrë specifike në Kodin Penal të Maqedonisë së Veriut.
Aktivistja nga organizata joqeveritare “Fishkëllim”, Nesa Marku, thotë për Radion Evropa e Lirë se institucionet duhet të fokusohen në edukimin e shoqërisë, në mënyrë që të shmangen deklaratat seksiste, që sipas saj, janë gjithnjë e më të pranishme në rrjetet sociale.
“Shikuar edhe nga ana ligjore, është e vështirë që të denoncohet një person i caktuar kur kemi të bëjmë me dhunën ndaj grave përmes rrjeteve sociale sepse abuzuesit, në mënyrë dinake, fshihen pas profileve të rreme”, thotë Marku, duke shtuar se kjo mundëson që gratë dhe vajzat e reja të jenë pre e ngacmimeve në rrjetet sociale.
Ish-kryetari i Gjykatës Supreme, Dane Iliev, thotë për Radion Evropa e Lirë se mosdënimi i abuzuesve, i inkurajon ata që të përsërisin veprat penale.
“Gjithmonë kur drejtësia është e ngathët hap shteg që aktorët e veprave të këtilla penale ta përsërisin veprën, veçanërisht ata që kanë të bëjnë me dhunë ndaj grave, abuzime të ndryshme në rrjetet sociale, sa i përket privatësisë apo keqpërdorimit të të dhënave. Në momentin që sistemi gjyqësor, në formë transparente do të zbardhë rastet e këtilla, kjo do të ketë ndikim në sjelljen e përgjithshme sepse askush nuk dëshiron të ndëshkohet. Por, kur e dinë që nuk ka ndëshkim, ata përsërisin veprat”, thotë Iliev.
Ndërkaq, ministri i Punëve të Brendshme, Oliver Spasovki, në një konferencë të mbajtur online në Ditën Ndërkombëtare të Gruas, është zotuar se do ta iniciojë formimin e një njësie speciale për luftimin e dhunës mbi baza gjinore, me qëllim që abuzuesit të dalin para drejtësisë, por edhe për viktimat të krijohen mekanizma për mbrojtje.
“Ministria e Punëve të Brendshme do të propozojë krijimin e një njësie speciale, e një ‘taskë-force speciale’ për luftimin e dhunës me baza gjinore, e përbërë nga përfaqësues të disa organeve shtetërore, prokurorisë, strukturave të gjykatës dhe policisë si dhe përfaqësues të sektorit civil, që do të jetë një lloj lidhjeje për reagim të shpejtë, sanksionim dhe parandalim të këtyre fenomeneve”, tha Spasovski./REL/
Promo
Reklamo këtuLufta Prigozhin - Putin
Më shumëQUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3