Komuna e Malishevës, Policia e Kosovës dhe Këshilli i Bashkësisë Islame në Malishevë, sot pas një takimi të përbashkët të udhëheqësve të tri institucioneve, ju kanë bërë apel qytetarëve që të zbatojnë vendimet dhe udhëzimet e IKSHPK dhe Ministrisë së Shëndetësisë, për tu mbrojtur nga COVID-19.
Krerët e të tri institucioneve në Malishevë, e kanë bërë këtë apel, pasi në ditët e fundit ka pasur disa raste të vdekjeve, ndërsa pjesëmarrja në ceremonitë e varrimit ka qenë në kundërshtim me vendimet e institucioneve përgjegjëse shëndetësore, dhe si pasojë mund të kemi përhapje të virusit dhe dalje të situatës jashtë kontrollit.
Për këtë qëllim sot kanë mbajtur një takim të përbashkët, Kryetari i Komunës së Malishevës, Ragip Begaj, komandanti i stacionit policor në Malishevë, kapiten Azem Krasniqi, kryetari i Bashkësisë Islame në Malishevë, Sead Paçarizi dhe drejtori i inspektoratit Dibran Kastrati, të cilët kanë kërkuar nga qytetarët që të zbatojnë vendimet dhe udhëzimet e institucioneve shëndetësore.
“Jemi duke u përballur me një gjendje emergjente shëndetësore, si pasojë e pandemisë së COVID-19, prandaj, kërkojmë nga të gjithë, pa dallim, që të zbatojnë në përpikëri vendimet dhe udhëzimet e institucioneve përgjegjëse shëndetësore, e në këto vendime ndalohet edhe grumbullimi i qytetarëve, përfshi edhe ceremonitë e varrimit. Qytetarë të nderuar, grumbullimet e tilla, me vështirësi kontrollohen, prandaj të mos bëhemi shkaktar të përhapjes së virusit, ta mbrojmë veten tonë, ti mbrojmë të afërmit tanë dhe ta mbrojmë shëndetin e qytetarëve pa dallim. Mbrojtja është arma e vetme e luftimit të kësaj pandemie, prandaj, të reduktohet pjesëmarrja në ceremonitë e varrimeve, dhe ato të zhvillohen vetëm me rrethin e ngushtë familjar”, thuhet mes tjerash në apelin e krerëve të tri institucioneve, drejtuar qytetarëve.
Komuna e Malishevës, dhe të gjitha institucionet tjera, i shprehin ngushëllime familjes së biznesmenit nga Bubaveci i Malishevës, Latif Kryeziut, vdekja e të cilit është një humbje e madhe, jo vetëm për familjen, por edhe për Malishevën dhe vendin.
Në të njëjtën kohë kërkohet mirëkuptim nga të gjithë miqtë dhe komuniteti i biznesit, që me rastin e varrimit të tij, që pritet të bëhet sot në Bubavec, të mos grumbullohen për ceremoninë e varrimit dhe pjesëmarrja në varrim të jetë sa më i reduktuar, pasi kjo mund të rrezikoj seriozisht shëndetin e qytetarëve, sepse virusi COVID-19, është prezent dhe kjo mund të sjellë probleme serioze në përhapjen e tij dhe rrjedhimisht situata të dalë jashtë kontrollit. /Telegrafi/
Promo
Reklamo këtuLufta Prigozhin - Putin
Më shumëNjë grua në Gjilan grabitet dhe dhunohet nga dy të panjohur, ajo ishte duke ecur rrugës me djalin e saj
Rrebeshe shiu e breshëri sot në Kosovë
Raporti zyrtar: KFOR-i e negocioi largimin e terroristëve nga Banjska
Ligji për çmimet e barnave nuk gjen zbatim, qytetarët ankohen - MSH sqarohet
Pas takimit në Athinë, kryeministri Rama mbledh sot bashkatdhetarët në Milano
Rrahje mes vëllezërve në Gjakovë, lëndohet nëna gjatë ndërhyrjes
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Shpërthejnë komentet negative, menjëherë pas eliminimit të Meriton Mjekiqit nga gara
Fjalët e para të Toni Kroos pasi luajti ndeshjen e tij të fundit në “Santiago Bernabeu”
Finalja e BBVA 3, Heidi Baci elimohet - Julian Deda vazhdon përpara me Eglën dhe Romeon
Si e menaxhoi Qeveria e Kosovës sulmin kibernetik që erdhi nga Rusia?
Protagonist absolut, statistikat e Granit Xhakës flasin për dominimin e tij - shpallet lojtar i ndeshjes në finale
NYT: Grenelli i kishte propozuar Trumpit ta vizitonte Thaçin në Hagë, por ai refuzoi