Eksperti amerikan për Ballkanin nga Qendra për Analiza të Politikës Evropiane, Janusz Bugajski, në një intervistë për Telegrafin ka thënë se Washingtoni është i irrituar nga progresi i ngadaltë i Bashkimit Evropian në rifillimin e bisedimeve Serbi-Kosovë.
Analisti e njohësi i rrethanave në rajon, amerikani Janusz Bugajski në këtë intervistë me kryeredaktorin Muhamet Hajrullahu, ka thënë se Shtëpia e Bardhë duket e vendosur të krijojë një marrëveshje dhe ta prezantojë atë si një sukses të rëndësishëm të politikës së jashtme gjatë zgjedhjeve presidenciale në ShBA.
Telegrafi: I dërguari special i ShBA-së për Kosovën dhe Serbinë thotë se Kosova dhe Serbia kanë rënë në dakord për takimin e Shtëpisë së Bardhë në fund të Qershorit – cili është komenti juaj për këtë takim në Washington?
Bugajski: Washingtoni është i irrituar nga progresi i ngadaltë i Bashkimit Evropian në rifillimin e bisedimeve Serbi-Kosovë, dhe dështimin për t’i shtyrë të dyja palët drejt një zgjidhjeje. Shtëpia e Bardhë duket e vendosur të krijojë një marrëveshje dhe ta prezantojë atë si një sukses të rëndësishëm të politikës së jashtme gjatë zgjedhjeve presidenciale në ShBA.
Telegrafi: A besoni në ndonjë marrëveshje të rëndësishme gjatë takimit në mes këtyre palëve?
Bugajski: Strategjia e Shtëpisë së Bardhë do të funksionojë vetëm nëse Grenell do të mund ta bindë Serbinë të pranojë shtetësinë e Kosovës, ose të mos e bllokojë hyrjen e saj në institucionet ndërkombëtare. Nga ana tjetër, mund të përpiqet që të bindë Prishtinën t’i njohë monumentet ortodokse serbe si vende të mbrojtura ndërkombëtarisht dhe të lejojë një shoqatë të decentralizuar të komunave për pakicën serbe.
Telegrafi: A mund të na jepni disa detaje më shumë nga ky takim në Washington?
Bugajski: Nuk ka detaje specifike në lidhje me takimin, madje edhe rendi i ditës dhe pjesëmarrësit janë në proces të përcaktimit.
Telegrafi: Cili është roli i Bashkimit Evropian në këto bisedime në Shtëpinë e Bardhë?
Bugajski: Bashkimi Evropian nuk ka asnjë rol në takimin e Shtëpisë së Bardhë dhe frikësohet se SHBA-të, mund t’i bindin protagonistët të nënshkruajnë një marrëveshje që do të destabilizonte rajonin seriozisht duke përfshirë ndryshimet e kufijve. Kjo do të inkurajonte shtetet e tjera të kërkojnë më shumë territor nga fqinjët e tyre. BE-ja nuk dëshiron të mënjanohet në bisedimet e ardhshme dhe ka emëruar ish-Ministrin e Jashtëm Sllovak, Miroslav Lajčák, si Përfaqësues Special për të dhënë shtysë të re në arbitrazhin e BE-së. Sidoqoftë, të dyja Prishtina dhe Beogradi e marrin më seriozisht rolin e Amerikës se sa atë të Brukselit.
Telegrafi: A besoni se do të kemi marrëveshjen përfundimtare këtë vit në mes të Kosovës dhe Serbisë?
Bugajski: Kjo varet nga sa është e gatshme Shtëpia e Bardhë që të ushtrojë presion. Nëse nuk ka marrëveshje gjatë verës, pyetja më e rëndësishme do të fokusohej në atë se çfarë do të ndodhë më tutje? A do të largohet Shtëpia e Bardhë thjesht nga negociatat dhe ta lërë mosmarrëveshjen për BE-në, apo do të vazhdojë me kërcënimin e tërheqjes së trupave të mbetura amerikane nga Kosova, të cilat ofrojnë një siguri thelbësore të stabilitetit? I dërguari i posaçëm i ShBA-ve, Richard Grenell, tashmë ka bërë presion për një tërheqje të madhe të trupave Amerikane nga Gjermania dhe Kosova mund te jete në radhë në agjendën e tij. /Telegrafi/
Promo
Reklamo këtuLufta Prigozhin - Putin
Më shumëKonjufca i zhgënjyer me BE-në: Me padurim doni të punoni me qeverinë serbe pro-ruse, e neve nuk na hiqni masat
“E çela vrimën në mur, i preva tre palë tela dhe ika arave deri në Lipjan”- Arratisja e Faton Hajrizit nga Bondsteel-i dhe Burgu i Pejës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Publikohen rezultatet e Lotarisë Amerikane, linku ku mund të shihni nëse jeni fitues
"Intimidimi i gazetares", deputeti Dimal Basha reagon pas kritikave të AGK-së dhe RTK-së
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City