Ish-drejtori Fassone: Ronaldo ishte i hapur për t’u transferuar te Milani
Ish-drejtori ekzekutiv i Milanit, Marco Fassone pretendon se Cristiano Ronaldo ishte i hapur për t’u transferuar në San Siro para se të bashkohej përfundimisht në Serie A me kampionët e Juventusit sezonin e kaluar.
Ronaldo ndërroi Real Madridin për Juve në një marrëveshje prej 112 milionë eurosh përpara nisjes së sezonit 2018-19, por kishte interes të dukshëm edhe nga Milani para transferimit.
Ish-drejtori sportiv i Milanit, Massimiliano Mirabelli pohoi se Ronaldo ishte në prag të nënshkrimit me ta përpara se ish-pronarët e udhëhequr nga Li Yonghong të bllokojnë marrëveshjen dhe pastaj kontrollin e klubit e morën fondi Elliott Management.
Fassone, i cili e ndoqi Mirabellin nga largimi prej Milanit pas ndërrimit të pronarëve në korrik të vitit të kaluar, mbështeti këto pretendime.
“Presidenti e donte Cristiano Ronaldon, por shifrat na thanë që kjo ishte e padiskutueshme”, ka thënë fillimisht Fassone për Sportitalia.
“Ronaldo ishte i hapur për të vlerësuar mundësinë, pasi Milani është një klub i famshëm dhe kishte entuziazëm përreth nesh”.
“Sidoqoftë, ne kurrë nuk kemi shkuar përtej disa llogaritjeve të brendshme dhe duke parë nëse ai ishte potencialisht i hapur për të”, përfundoi italiani. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251