Uljet e çmimeve të derivateve të naftës në bursa ndërkombëtare nuk kanë reflektuar në uljet e këtyre çmimeve dhe në Kosovë.
Në këtë drejtim, përfaqësues të naftëtarëve e shohin shumë të rëndësishme formimin e rregullatorit të çmimeve të naftës.
Kjo pasi që, sipas tyre, nga kjo do të përfitonin drejtpërdrejt qytetarët, përkatësisht konsumatorët.
Kryetari i Shoqatës së Naftëtarëve të Kosovës, Fadil Berjani, tha për Telegrafin, se duhet të formohet rregullatori për çmimet e naftës.
“Në Kosovë nuk ka marrëveshje të naftëtarëve. Ne kërkojmë nga Qeveria e Kosovës që të formohet rregullatori i çmimeve të naftës, ku pastaj shteti të ketë mundësinë të ndërhyjë në raste kur është e nevojshme e t’iu jepet mundësia qytetarëve për çmime më të lira. Këtë rregullator e kemi kërkuar që pesë vite”, tha Berjani.
Ai sqaron se çmimi i naftës në Kosovë është më i lirë në rajon, përveç Maqedonisë.
“Qytetarët e Kosovës janë duke përfituar çmimet më të lira në rajon, përveç Maqedonisë, pasi që ata e kanë akcizën më të lirë dhe tregu është më liberal. Çmimi i naftës për momentin në Republikën e Kosovës është nga 1.07 centë deri në 1.15 centë, ndërsa për benzinën është një cent më shtrenjtë”, sqaron ai.
Gjithsesi, Berjani thotë se e përkrah iniciativën e Kryeministrit Haradinaj për hetimin e çmimit të naftës.
“Jemi të hapur për këtë, ne e përkrahim kryeministrin për këto probleme. Ma merr mendja që Agjencioni i Konkurrencës t’i hetojë disa monopole tjera që janë në treg e pastaj të merret me naftëtarët”, tha për Telegrafin, Berjani.
Ndryshe, lidhur me çmimet e naftës ka reaguar edhe kryeministri Ramush Haradinaj.
Haradinaj u ka bërë thirrje mekanizmave vendor për hetimin e çmimit të naftës dhe marrjen e hapave të nevojshëm.
Ai, përmes një postimi në profilin e tij në Facebook, thotë se është i patolerueshëm dëmtimi i buxhetit familjar të qytetarëve nga kompanitë që importojnë naftë në Kosovë.
“Dëmtimi i padrejtë financiar i qytetarëve të Republikës së Kosovës është i patolerueshëm. Kjo po ndodhë nga kompanitë që importojnë dhe shesin naftë në Kosovë. Çmimi i naftës në tregun botëror dhe rajonal është më i ulët aktualisht, derisa në tregun kosovar, operatorët nuk kanë reflektuar. U bëj thirrje Autoritetit Kosovar të Konkurrencës, Ministrisë së Tregtisë, Shoqatës e Naftëtarëve dhe të gjithë mekanizmat e tjerë që të ndërmarrin hapat e nevojshëm për ta ndryshuar këtë praktikë të keqe që dëmton qytetarët tanë”, ka shkruar ai, përcjell Telegrafi.
Haradinaj thotë se çmimi i naftës duhet të jetë konform çmimit të tregut.
“Çmimi i naftës duhet të jetë konform çmimit të tregut! Është e kuptueshme që tregu i lirë funksionon i pavarur, por kjo nuk nënkupton, në asnjë formë, dëmtimin e qëllimshëm të buxhetit të familjeve kosovare”, thotë Haradinaj.
Ndërsa ditë më parë, kryetari i Autoritetit Kosovar i Konkurrencës, Valon Prestreshi, ka bërë të ditur se do të kërkojë nga Prokuroria Speciale e Kosovës ta hetojnë së bashku industrinë e naftës.
Përmes një shkrimi në Facebook, Prestreshi, thotë se kompanitë vazhdojnë të mbajnë çmimet e larta pavarësisht se ato kanë shënuar rënie në botë.
“Duke e konsideruar se tregu i derivateve të naftës është mjaft i ndjeshëm, nesër, po ashtu do ta kërkoj ndihmën e Prokurorisë Speciale të Republikës së Kosovës që së bashku ta hetojmë këtë dukuri me kujdes, ata nga këndvështrimi penal, AKK nga këndvështrimi civil”, ka shkruar Prestreshi.
Aktualisht çmimi i naftës në Kosovë është nga 1.07 centë deri 1.15 centë, ndërsa çmimi i benzinës është nga 1.08-1.16 centë. /Telegrafi/
Lufta Prigozhin - Putin
Më shumëNga Rubrika
1 Maji, Kurti thërret për solidaritet dhe organizim sindikal
Dita e punëtorëve, Tahiri: Sot nuk ka vend për festë – Qeveria mund të festoj dështimet
UBT ndan çmimin më të lartë institucional për Rektorin e Trakya Üniversitesi, Prof. Dr. Erhan Tabakoğlu dhe bën hapjen e Teknoparkut Ndërkombëtar
N’BAU krejt i gjen me zbritje këtë javë!
Respekti dhe vlerësimi i punëtorëve refletojnë në suksesin e Emona Center
Fito udhëtim në çift me IP Petrol!
Relaksim në përjetësi, me “Holiday In 2” t’gjitha i ki
IPKO me pako ditore dhe javore 3G dhe 4G
Nafta, drejt rënies
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit