Allegri: VAR do të kishte ndihmuar te kartoni i kuq i Ronaldos, rastet e tilla ta rrezikojnë ndeshjen

Trajneri i Juventusit, Max Allegri, beson se rasti i kartonit të kuq të Ronaldos duhet shikuar në VAR.

Futbollistin i Juventusit u ndëshkua me të kuq ndaj Valencias, por kjo nuk e pengoi ‘Zonjën e Vjetër’ që të shënojë fitore (2-0).

“Lojtarët luajtën shumë mirë, pasi patëm shumë raste para largimit të Ronaldos, duhet ë kishim kaluar në epërsi”.

“Ishte e natyrshme që në fund, ne i lejuam Valencias më shumë hapësirë, por Szczesny më të vërtet bëri pritje të mira, duke e futur këtu edhe ndalimin e penalltisë”.

“Natyrisht, tensioni u rrit më shumë me kartonin e kuq. Nuk është e lehtë të luhet këtu, pasi Valencia është agresive, atmosfera e zjarrtë, por djemtë bënë mirë, duke i ndalur sulmet e Valencias”.

Pas kartonit të kuq të Ronaldos, Allegri nuk bëri zëvendësim, por rindërtoi strategjinë me lojtarët në fushë.

“Ne ishim duke luajtur pa një sulmues, kështu që asgjë nuk ndryshoi. E vetmja gjë që ne duhet të bënim ishte gjetja e Blaise Matuidi në mes të linjave, pasi ai duhej ta ndihmonte Mandzukic përpara edhe Alex Sandro njëjtë”.

Pika e diskutimit në mënyrë të pashmangshme ishte dhe kartoni i kuqe i Ronaldos.

“Unë mund të them vetëm se VAR do ta kishte ndihmuar gjyqtarin në këtë vendim”.

“Të mbesësh me 10 lojtarë në Ligën e Kampionëve për një incident si ky është zhgënjyese. Ne rrezikuam të humbasim sonte këtu dhe do ta humbasim lojtarin edhe për ndeshjet e ardhshme”, ka deklaruar Allegri.

Në fund Allegri e lavdëroi Federico Bernardeschin, duke shtuar se ai është rritur shumë si lojtar dhe do të luajë edhe në ndeshjet e mëdha pa asnjë problem. /Telegrafi/