Nga Martial te Pogba: Lojtarët që mund të largohen nga Unitedi këtë verë

Manchester Unitedi e ka të qartë se duhet të bëjë shumë punë në tregun e transferimeve për të qenë konkurrent serioz për ta fituar titullin e Ligës Premier.

Në edicionin e kaluar, Djajtë e Kuq mbetën 19 pikë prapa kampionit Manchester City, prandaj nevojiten shumë ndryshime në skuadër për të konkurruar me rivalin lokal dhe klubet tjera në Ligën Premier.

Fred, Diogo Dalot dhe Lee Grant janë disa prej blerjeve këtë verë, ndërsa për çdo blerje duhet të jetë edhe largime.

Më poshtë jua sjellim dhjetë lojtarët që mund të largohen gjatë këtij afati kalimtar nga Old Traffordi:

Anthony Martial

Sulmuesi francez dëshiron të largohet nga Old Traffordi dhe është në pritje të ofertave.

Matteo Darmian

Juventusi është klubi më i interesuar për shërbimet e mbrojtësit të krahut.

Marcos Rojo

Tash për tash, Djajtë e Kuq kanë shumë mbrojtës, prandaj duhet ta largojnë dikë.

Andreas Pereira

Pas sezoneve të kaluara në huazim, mesfushori pritet të largohet, sepse nuk mund të zë vend në formacionin bazë.

Luke Shaw

Mbrojtësi i majtë është vetëm 23 vjeçar, mirëpo Jose Mourinho nuk po e trajton si lojtar të nevojshëm në skuadër.

Phil Jones

Unitedi është në pritje të ofertave për futbollistin defensiv, i cili është në krye të listës së largimeve.

Chris Smalling

Ka qenë mjaft i angazhuar në mbrojtje në edicionin e kaluar, mirëpo nëse Unitedi transferon një tjetër qendërmbrojtës, ai do të nxirret në shitje.

Timothy Fosu-Mensah

Pas huazimit te Crystal Palace, ai është kthyer në Old Trafford. Mirëpo, Palace dëshiron ta huazojë sërish Fosu-Mensah.

Axel Tuanzebe

Lëndimi ia ka zbehur shpresat që të depërtojë në skuadrën e Unitedit, ndërkohë që Mourinho ka shumë lojtarë para tij në përzgjedhje.

Paul Pogba

Një rikthim te Juventusi është bërë temë shumë e përfolur në lidhje me të ardhmen e Pogbas. /Telegrafi/