OBRM-PDUKM: Zoran Zaevi dhe qeveria e tij janë katastrofë për rininë

Partia opozitare OBRM-PDUKM përmes një kumtese thotë se Zaevi kur ishte në opozitë premtonte se do t’i kthejë mbi 600.000 persona të shpërngulur, tash kur është në qeveri, jo vetëm që nuk i ktheu, por në politikat e tij e përshpejtuan shpërnguljen. Zaevi i bëri gjenocid ekonomik Republikës së Maqedonisë. Ekonomia më shumë se një vit është zero. Partia e cila premtonte rritje të bruto produktit vendor për 5%, tash kur është pozitë nuk mund të bëj rritje ekonomike më shumë se zero. Industria është me e dobëta në rajon, kurse ndërtimtaria është në ulje për 37%.

“Shteti po fundoset në korrupsion. Kriminaliteti i strukturave më të larta në Qeveri është problemi më i madh që ballafaqohet shteti. Në ndërmarrjet shtetërore shihet se si tenderë jepen firmave partiake. Ndërsa biznesmenë e thjeshtë janë shtypur nga karteli i kësaj qeverie. Zaevi në vend të jetës, solli pa perspektivë. Derisa në planin e brendshëm solli debakël, edhe në planin e jashtëm i prishi përgjithmonë pozicionet e Maqedonisë”, thuhet në kumtesën e OBRM-PDUKM-së.

Lexo po ashtu Zaev: Ballkani ka ndryshuar për të ardhmen më të mirë për të rinjtë

Nga opozita thonë se marrëveshja me Greqinë nuk është krenari, por turp për shtetin. Zaevi në në mënyrë të ndërgjegshme prani ndryshimin e identitetit dhe gjuhës të popullit të vet dhe ndryshim të Kushtetutës të shtetit, edhe pse më parë deklaronte do të ndryshojë, Zaevi është sinonim i gënjeshtrës.

Zoran Zaevi është sinonim i pa perspektivës. Zoran Zaevi dhe karteli kriminal i cili ai e udhëheq patjetër të largohen, që Maqedonia të përparojë./Telegrafi/