Të dielën me fillim nga ora 16:00 në stadiumin ‘Shahin Haxhiislami’ në Pejë do të zhvillohet dueli i dekadës mes Prishtinës dhe Dritës në kuadër të Superligës së Kosovës.
Prishtina e zhvillon ndeshjen si vendas, ndërsa Drita do të jetë mysafire.
Por si erdhi situata që këto dy klube të luajnë në titullin në ndeshjen e fundit, hera e parë në Supeligë prej se ky sistem garave zhvillohet në këtë mënyrë.
Fillimi i kampionatit dhe transferimet
Çfarë është e vërteta këto dy skuadra e kanë filluar edhe edicionin e sivjet, duke e zhvilluar ndeshjen në xhiron e parë, e që Drita e kishte fituar me rezultat 1-0 me golin e Xhevdet Shabanit.
Prishtina e kishte filluar kampionatin me ambiciet e zakonshme, titullin kampion dhe Kupën dhe për këtë kishte investuar në skuadër si asnjëherë më parë.
Nga viti i shkuar kishin emra si Armend Dallku, Debatik Curri, Ahmed Januzi, Khalid Basid, ndërsa erdhën edhe Anel Rashkaj, Mentor Mazrekaj, Diar Mustafa, Liridon Fetahaj e Përparim Osmani.
Në anën tjetër Drita pas tri viteve në zonën e barazhit dhe emocioneve mes rënies dhe mbijetesës, këtë kampionat vendosi të bëjë riorganizim në skuadër edhe pse në klub kishin bërë më herët, shkruan Telegrafi.
Blerje të mëdha si Haxhi Neziraj, Xhevdet Shabani, Kastriot Rexha, Ardian Limani, Astrit Fazliu, Endrit Krasniqi e Fidan Gërbeshi bën që Drita të kthehet në rivalë të fortë për çdo skuadër në Superligë.
Largimet e trajnerëve
Dhe pse Drita e kishte nisur më mirë duke fituar në xhiron e parë, pësoi pastaj dy humbje me Besën dhe Lirinë, për të vazhduar me barazime, e çka ‘kurban’ i rezultateve u bë trajneri Miliam Zuzaku, që u largua, e u zëvendësua me Bekim Isufin, që më parë ishte te Vllaznia e Pozharanit.
Prishtina ishte më mirë, ndërsa luftonte me Gjilani dhe Llapin, e herë pas here edhe me Lirinë për kreun.
Por edhe te Prishtina erdhi trajner Mirel Josa, trajner i njohur nga Shqipëria, shkruan Telegrafi.
Ndeshja e dytë mes skuadrave u mbyll 0-0 e zhvilluar në Gjilan.
Stinori vjeshtor u mbyll me Llapi lider që i kishte 34 pikë, Prishtina kishte 32 pikë, ndërsa Drita 30.
Pranvera, starti i Prishtinës, vazhdimësia e Dritës
Vjeshta solli disa ndryshime me Llapin që filloi rënien e me Prishtinën që filloi të ngjitet fuqishëm.
Por në 11 ndeshjet e fundit që kishin mbetur apo fazën e tretë, Drita kapi hapim pas gabimeve të Prishtinës me Trepçën ’89 (barazim), Vëllaznimin (barazim) dhe Drenicën (humbje).
Drita kishte mposhtur Drenicën, Vëllaznimin dhe Flamurtarin, duke i dalë para me tri pikë.
Të tjerat gjashtë ndeshjet, skuadrat morën nga pesë fitore dhe nga një barazimi, shkruan Telegrafi.
Mbyllja e perdes
Aktualisht Drita ka 66 pikë, ndërsa Prishtina 63. Gjilanasve iu nevojitet barazimi dhe fitorja, por edhe humbja me një gol diferencë për tu bërë kampion.
Kjo pasi edhe me një humbje me një gol, me pikë të barabarta, falë gollaverazhit do të shpallej kampion, pas në ndeshjen të ndërsjella do të jenë të barabartë (0-1, 0-0, 1-0).
Prishtinës i duhet fitore me dy gola që të shpallet kampion dhe duke e parë traditën e këtij klubi, gjithçka mbetet e mundur.
Për ta mbyllur perden e një edicioni të jashtëzakonshëm, duhet të shikohet ndeshja e fundit e cila do ta sjell kampion e ri të Kosovës, e për këtë duhet të pritet përballja që zhvillohet të dielën në Shahin Haxhiislami të Pejës. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Italianët mund të kenë dhjetë klube në Evropë dhe këtë gjë e kanë në dorë ta vendosin vetë
Chelsea mund të bëjë sensacion në futboll duke e emëruar një trajner pa përvojë në drejtimin e ekipit
Paraqitja fenomenale e Ademola Lookman ka impresionuar drejtuesit e gjigantit evropian që ishin në stadium
Milani piketon yllin e Real Madridit si transferimin e parë për verë
Paqueta rrezikon të përjashtohet përjetësisht nga futbolli
Grealish largohet nga City dhe Anglia, gati transferimi sensacional te gjiganti evropian
Flick ka punuar me tre lojtarë aktual të Barcelonës - kryesia katalunase e pyeti vetëm njërin se si punon trajner gjerman
Golden Eagle Ylli e mbyll çerekun e parë në epërsi ndaj Trepçës
Publikohet lista me top 10 klubet më të vlefshme në botë - Man United në vendin e dytë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Tre të plagosur me armë zjarri në Pejë
Pak herë e ka përmendur në BBVA, por Egla Ceno dikur ka qenë pjesë e serialit të njohur italian, "100 Vitrinat"
Arta Bajrami rrëfen mes lotësh se dy nga fëmijët e saj janë diagnostikuar me autizëm: Zoti mi ka çuar këta engjëj që japin dashuri pa kusht
Pamje nga plagosja me armë zjarri në Pejë
Policia në kërkim të Agron Gashit, të dyshuarit për plagosjen e mbrëmshme në Pejë
“Patericë e Kurtit” - “Hajvan, mashtrues”, eskalon debati në studio mes Mehmetajt e Berishës