Këngëtarja nga Kosova me banim në Berlin, Fatime Kosumi alias Andrra, trajton në këngët e saj martesat e detyruara dhe ballafaqohet me një traumë të trashëguar ndër breza.
Kishte qenë ëndërr për Andrran të jepte shfaqje në ish-mensën e termocentralit të dikurshëm në Friedrichshain të Berlinit Lindor. Jo vetëm për shkak të klubit amë (Berghain) që ka vite që Djmag e klasifikon në top 10-shin e klubeve më ekskluzive me muzikë elektronike të botës, jo vetëm për shkak të impiantit Function One prej nga do të buçiste zëri i mprehtë i saj, por para së gjithash për shkak të përzgjedhjes së kujdesshme që i bëhet programit të kolanës “Kometenmelodien” (shqip: Melodi kometash), ku do të performonte ajo.
Por, ajo që e bënte krenare Fatimen ishte se, e mbështetur nga dy shoqërueset e saj, e motra Mevlude Kosumin – DJ Galouchë – dhe një tjetër DJ nga Prishtina, Oda Haliti, do të prezantonin në këtë vend sqimatar të jetës së natës berlineze një pjesë të historisë së vendit të tyre: martesat e imponuara. Andrra u ka vënë atyre emrin e ngjashëm me fatet e tyre: Palinë!
Palinë është vajza që e marton baba në moshën 16-vjeçare, që në fakt do një tjetër (Palinë); që merr vesh për fejesën kur shikon dasmorët që vijnë për ta marrë; që e ndien veten të “shituar” nga nëna e vet; që nuk e paralajmëroi vajzën për atë që e priste (Moj nano), ashtu siç nuk e paralajmëroi edhe gjyshja nënën e saj kur e martoi në moshën 14-vjeçare.
“Ky fenomen ka qenë pjesë e fëmijërisë sime. Ne e kemi ditur krejt se qysh është martuar nëna ime dhe nënat tona. Normalisht, ne vetë nuk e kemi përjetuar, por historitë e tyre ishin të pranishme si fantazma që sillen përreth e për të cilat nuk flitet edhe aq shumë”, thotë Andrra në një intervistë për DW.
Edhe pse e lindur dhe rritur në Gjermani, Andrra thotë se këto histori janë ngulitur brenda saj.
“Janë traumat e nënave tona që na transmetohen edhe neve”, pohon ajo.
Cikli “Palinë” që ka nxjerrë në treg vitin e kaluar duket se është hapi i parë i ballafaqimit me këtë të shkuar sa të pranishme aq edhe të paqenë.
Vetëdijesimi për të hapur ato skuta të ndrydhura të ndërgjegjes do t’i kthehej në Berlin, ku vendosi të jetonte në vitin 2009 pas një qëndrimi shtatëvjeçar në Kosovë. Aty, në metropolin ku askush nuk e ndien veten të huaj, i lindi ideja të gërmonte atë pjesë të folklorit rural shqiptar që rrëfente historitë e nënave të martuara me detyrim.
“Ato këngë nuk janë poetike. Janë shumë të drejtpërdrejta; janë më shumë si piskama “, thotë ajo.
Videoklipi i xhiruar në Kosovë, “Kalle Llamën”, ka si protagoniste kushërirat e saj, thuajse të gjitha nën moshën njëzetëvjeçare, nënat e të cilave janë martuar me imponim nga prindërit.
“Për ne dhe nënat tona ky ballafaqim ishte një çlirim”, thotë ajo. /DW/
Lufta Prigozhin - Putin
Më shumëShfaqja që thërret njerëzoren!
Paraqitja e tmerrshme e Mbretëreshës së ndjerë flet për fundin e epokës së statujave
Kështu foli Nietzsche: Të jetuarit është vuajtje, të mbijetuarit është gjetja e një kuptimi për vuajtjet!
“Procesi”
Shqipja në rrezik: Fjalori i ka 46 mijë fjalë, 500 mijë të tjera janë futur pa u studiuar
Romeo dhe Zhulieta: Origjina e dashurisë tragjike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë