Juventus: Sandro largohet, vjen Bernat

Juventusi pritet ta shes mbrojtësin e majtë, Alex Sandro, këtë verë dhe mund ta zëvendësojë atë me Juan Bernat të Bayern Munichut.

Sipas gazetës italiane Tuttosport, Juventusi shpreson të marrë 60 milionë euro për Alex Sandron nga një klub i Ligës Premier ose Paris Saint-Germain, pavarësisht formës jo të mirë këtë sezon.

Gazeta shton se Juventusi do të synojë spanjollin Bernat, i cili ka bërë vetëm shtatë paraqitje për Bayernin këtë sezon.

Lexo po ashtu Unitedi gati t'i fillojë bisedimet me Umtitin dhe Alex Sandron  

Megjithatë, ky numër i vogël i paraqitjeve të spanjollit është ndikuar nga një lëndim serioz në fillim të sezonit, i cili e mbajti jashtë fushave.

25-vjeçari filloi karrierën e tij në Valencia, para se Pep Guardiola ta marr atë në Bundesliga te Bayern në verën e vitit 2014.

Ai gjithashtu ka shtatë paraqitje për Spanjën dhe është konsideruar të ketë ‘karakteristika të ngjashme’ me Alex Sandro, si dhe aftësinë për të luajtur në më shumë pozicione.

Lexo po ashtu Interi arrin marrëveshje edhe me Asamoah

Tuttosport përfundon se një marrëveshje ‘nuk është e pamundur’ në sajë të marrëdhënieve ‘të shkëlqyera’ midis dy klubeve.

Këadëo Asamoah gjithashtu ka gjasa të largohet nga Juve sapo sezoni të jetë jashtë dhe pritet të zëvendësohet nga i huazuari te Atalanta, Leonardo Spinazzola. /Telegrafi/